Fýtboldan Qazaqstan ulttyq quramasy Moldovamen UEFA Ulttar ligasy ótpeli satysynyń qarymta oiynyn ótkizdi, dep habarlaidy QazAqparat.
El quramasy bas bapkerniń mindetin atqarýshy Andrei Karpovich Moldovaǵa qarsy Igor Shatskii, Ǵafýrjan Súiimbaev, Nuraly Álip, Sergei Malyi, Aleksandr Marochkin, Marat Bystrov, Ashat Taǵybergen, Islambek Qýat, Vladislav Vasilev, Baktier Zainýtdinov, Abat Aiymbetov oiynshylardy shyǵarǵan.
Alǵashqy oiynda Qazaqstan quramasy syrt alańda Moldovany 2:1 esebimen tize búktirgen edi.
Sondyqtan moldovalyq fýtbolshylar oiyndy belsendi bastady. Nátijesinde 13-minýtta olardyń qatarynan Igor Armash qazaqstandyq oiynshylardyń qateligin utymdy paidalanyp, qaqpany dál kózdep ketti.
Eki oiynnyń qorytyndysymen tarazy basy teńesti. Budan keiin qos quramanyń da esepti ózgertetin múmkindigi bolǵan. Ekinshi kezeńde qazaqstandyq fýtbolshylar alǵa qarai umtyldy. Alaida gol soǵatyn múmkindikterdi múlt jiberdi.
Oiynda Moldova 1:0 esebimen jeńdi. Eki oiynnyń nátijesimen tarazy basy teńeskendikten oiyn overtaimǵa ulasty.
Overtaimda jeńimpaz anyqtalǵan joq. Penaltide Qazaqstannyń joly boldy. Osylaisha el quramasy 2022-2023 jylǵy maýsymda Ulttar ligasynyń úshinshi diviziony úshinshi tobynda synǵa túsedi. Qarsylastary - Slovakiia, Belarýs jáne Ázerbaijan.
Eske salsaq, Qazaqstan quramasy Ulttar ligasy 2020/21 jylǵy kezeńinde S ligasynda Albaniia, Belarýs jáne Litvamen synǵa túsip, tórtinshi oryndy mise tutty.
