فۋتبولدان قازاقستان ۇلتتىق قۇراماسى مولدوۆامەن UEFA ۇلتتار ليگاسى ٶتپەلٸ ساتىسىنىڭ قارىمتا ويىنىن ٶتكٸزدٸ, دەپ حابارلايدى قازاقپارات.
ەل قۇراماسى باس باپكەرنٸڭ مٸندەتٸن اتقارۋشى اندرەي كارپوۆيچ مولدوۆاعا قارسى يگور شاتسكيي, عافۋرجان سٷيٸمباەۆ, نۇرالى ەلٸپ, سەرگەي مالىي, الەكساندر ماروچكين, مارات بىستروۆ, اسحات تاعىبەرگەن, يسلامبەك قۋات, ۆلاديسلاۆ ۆاسيلەۆ, باكتيەر زاينۋتدينوۆ, ابات ايىمبەتوۆ ويىنشىلاردى شىعارعان.
العاشقى ويىندا قازاقستان قۇراماسى سىرت الاڭدا مولدوۆانى 2:1 ەسەبٸمەن تٸزە بٷكتٸرگەن ەدٸ.
سوندىقتان مولدوۆالىق فۋتبولشىلار ويىندى بەلسەندٸ باستادى. نەتيجەسٸندە 13-مينۋتتا ولاردىڭ قاتارىنان يگور ارماش قازاقستاندىق ويىنشىلاردىڭ قاتەلٸگٸن ۇتىمدى پايدالانىپ, قاقپانى دەل كٶزدەپ كەتتٸ.
ەكٸ ويىننىڭ قورىتىندىسىمەن تارازى باسى تەڭەستٸ. بۇدان كەيٸن قوس قۇرامانىڭ دا ەسەپتٸ ٶزگەرتەتٸن مٷمكٸندٸگٸ بولعان. ەكٸنشٸ كەزەڭدە قازاقستاندىق فۋتبولشىلار العا قاراي ۇمتىلدى. الايدا گول سوعاتىن مٷمكٸندٸكتەردٸ مٷلت جٸبەردٸ.
ويىندا مولدوۆا 1:0 ەسەبٸمەن جەڭدٸ. ەكٸ ويىننىڭ نەتيجەسٸمەن تارازى باسى تەڭەسكەندٸكتەن ويىن وۆەرتايمعا ۇلاستى.
وۆەرتايمدا جەڭٸمپاز انىقتالعان جوق. پەنالتيدە قازاقستاننىڭ جولى بولدى. وسىلايشا ەل قۇراماسى 2022-2023 جىلعى ماۋسىمدا ۇلتتار ليگاسىنىڭ ٷشٸنشٸ ديۆيزيونى ٷشٸنشٸ توبىندا سىنعا تٷسەدٸ. قارسىلاستارى - سلوۆاكييا, بەلارۋس جەنە ەزەربايجان.
ەسكە سالساق, قازاقستان قۇراماسى ۇلتتار ليگاسى 2020/21 جىلعى كەزەڭٸندە س ليگاسىندا البانييا, بەلارۋس جەنە ليتۆامەن سىنعا تٷسٸپ, تٶرتٸنشٸ ورىندى مٸسە تۇتتى.
