Búgin fýtboldan Qazaqstan quramasy elordada Tájikstanmen joldastyq kezdesý ótkizdi, dep habarlaidy QazAqparat.
Búgingi kezdesýde quramalar oiyn basynan bir-biriniń osal tubyn tabýǵa tyrysty. Alǵashqy minýttarda qonaqtar shabýylǵa kóbirek shyqty. Dese de ýaqyt óte kele qazaqstandyq fýtbolshylar tizgindi qolǵa alýǵa kúsh saldy. Nátijesinde 12-minýtta Baktier Zainýtdinov tájikstandyq qaqpashynyń qateligin tiimdi paidalanyp ketti.
Ekinshi kezeńde quramalar tablodaǵy esepti ózgertýge tyrysty. Qos qurama oiynshylary óz múmkindikterin paidalana alǵan joq.
Kezdesýde Qazaqstan quramasy qarsylasynan 1:0 esebimen basym tústi.
Eki qurama buǵan deiin tórt márte kezdesti. Olardyń barlyǵy joldastyq kezdesý bolyp tabylady. Úsh kezdesýde qazaqstandyq fýtbolshylar basymdyq tanytsa, bir oiynda teń nátije tirkeldi.
Aita keteiik, 2022 jylǵy álem chempionaty irikteý satysynda qazaqstandyq qurama D tobynda synǵa tústi. Qarsylastary - Frantsiia, Ýkraina, Bosniia jáne Gertsogovina, Finliandiia. Ulttyq qurama nebári úsh upai jinap, óz tobynda sońǵy oryndy mise tutty.
