بٷگٸن فۋتبولدان قازاقستان قۇراماسى ەلوردادا تەجٸكستانمەن جولداستىق كەزدەسۋ ٶتكٸزدٸ, دەپ حابارلايدى قازاقپارات.
بٷگٸنگٸ كەزدەسۋدە قۇرامالار ويىن باسىنان بٸر-بٸرٸنٸڭ وسال تۇبىن تابۋعا تىرىستى. العاشقى مينۋتتاردا قوناقتار شابۋىلعا كٶبٸرەك شىقتى. دەسە دە ۋاقىت ٶتە كەلە قازاقستاندىق فۋتبولشىلار تٸزگٸندٸ قولعا الۋعا كٷش سالدى. نەتيجەسٸندە 12-مينۋتتا باكتيەر زاينۋتدينوۆ تەجٸكستاندىق قاقپاشىنىڭ قاتەلٸگٸن تيٸمدٸ پايدالانىپ كەتتٸ.
ەكٸنشٸ كەزەڭدە قۇرامالار تابلوداعى ەسەپتٸ ٶزگەرتۋگە تىرىستى. قوس قۇراما ويىنشىلارى ٶز مٷمكٸندٸكتەرٸن پايدالانا العان جوق.
كەزدەسۋدە قازاقستان قۇراماسى قارسىلاسىنان 1:0 ەسەبٸمەن باسىم تٷستٸ.
ەكٸ قۇراما بۇعان دەيٸن تٶرت مەرتە كەزدەستٸ. ولاردىڭ بارلىعى جولداستىق كەزدەسۋ بولىپ تابىلادى. ٷش كەزدەسۋدە قازاقستاندىق فۋتبولشىلار باسىمدىق تانىتسا, بٸر ويىندا تەڭ نەتيجە تٸركەلدٸ.
ايتا كەتەيٸك, 2022 جىلعى ەلەم چەمپيوناتى ٸرٸكتەۋ ساتىسىندا قازاقستاندىق قۇراما D توبىندا سىنعا تٷستٸ. قارسىلاستارى - فرانتسييا, ۋكراينا, بوسنييا جەنە گەرتسوگوۆينا, فينلياندييا. ۇلتتىق قۇراما نەبەرٸ ٷش ۇپاي جيناپ, ٶز توبىندا سوڭعى ورىندى مٸسە تۇتتى.
