Fýtboldan Qazaqstan quramasy Armeniiamen joldastyq kezdesý ótkizedi, dep habarlaidy "Ult aqparat".
Qazaqstan fýtbol federatsiiasy málim etkenindei, aldaǵy jyldyń 23-30 naýryz kúnderi ulttyq qurama «Talǵar» bazasynda oqý-jattyǵý jiynyn ótkizedi.
Osy daiyndyq aiasynda 27 jáne 30 naýryz kúnderi eki joldastyq kezdesý ótkizý josparlanǵan. Armeniia men Qazaqstan quramalary 30 naýryzda Almatyda jasyl alańǵa shyǵady. Ekinshi qarsylas keiin anyqtalady.
Armeniia quramasyn 52 jasar maman Abraam Hashmanian jattyqtyrady.
Biyl márege jetken 2020 jylǵy Eýropa chempionatynyń irikteý kezeńinde Armeniia J tobynda Italiia, Finliandiia, Grekiia, Bosniia jáne Gertsegovina, Lihtenshtein quramalarymen synǵa tústi. Qorytyndyda 10 upai jinaǵan armiandar óz tobynda besinshi orynǵa taban tiredi.
FIFA reitinginde Armeniia 102-inshi, Qazaqstan 118-orynda keledi.
Chehiialyq maman Mihal Bilektiń basshylyǵymen Qazaqstan quramasy Eýropa birinshiliginiń irikteý týrnirinde I tobynda Belgiia, Resei, Shotlandiia, Kipr jáne San-Marinomen oinap, 10 upaimen besinshi orynǵa iligip, 2008 jylǵy osyndai jarystaǵy nátijeni qaitalaǵan bolatyn.
