Qyzylordanyń «Qaisar» komandasy aldaǵy maýsymda oiyn kórsetetin quramdy tolyq jasaqtap bitti, dep habarlaidy "Ult aqparat".
Biyl qyzylordalyq klýb quramyna Gegam Kademian, Arman Keńesov, Stefan Denkovich, Egor Potapov, Ýsman N’Doie, Sergei Karpovich, Karolis Laýkjiamis, Iovan Chadjenovich, Artem Leonov sekildi sheteldik qosyldy.
Komanda basshylyǵy taǵy jergilikti 12 fýtbolshymen kelisimge qol qoidy. Atap aitqanda, olardyń qatarynda Maqsat Baijanov, Oljas Altaev, Eljas Altynbekov, Abylaihan Tólegenov, Shoqan Abzalov, Nurymjan Salaidyn, Órken Mahan, Eljas Sarbai, Bekzat Qurmanbekuly, Daniiar Álimjan, Aian Qulmaǵanbetov syndy fýtbolshylar bar.
Jiyn barysynda 30-dan astam oiynshy synaqtan ótti. Olardyń arasynan sheberligi shyńdalǵan fýtbolshylar «Qaisar» quramyna qosyldy.
«Komanda jańa maýsymǵa tolyqtai daiyn. «Qaisardyń» aldaǵy oiyndarda jeńiske jetýine úlken úles qosatyn fýtbolshylardy qatarǵa qostyq dep oilaimyn. Fýtbolshylar aldaǵy birinshilikke daiyndyq barysynda 3 oqý-jattyǵý jiynyn ótkizdi. Onyń ekeýi qalada ótse, sońǵysy Túrkiiada boldy. Sońǵy jiyn barysynda Eýropa, Aziia men Afrikanyń bedeldi klýbtarymen 9 joldastyq kezdesý ótkizildi. Sonyń 4-inde jeńiske jetip, 4-imen teń túsip, bireýinde qarsylasqa ese jiberip qoidyq», - dedi «Qaisardyń» bas bapkeri Sultan Ábildaev.
Aita keteiik, 12 naýryzda «Qaisar» fýtbol komandasynyń jańa fýtbolshylaryn tanystyrý rásimi ótedi. Al 14 naýryzda komanda el birinshiliginiń alǵashqy týrynda óz alańynda «Taraz» komandasyn qabyldaidy.
