قىزىلوردانىڭ «قايسار» كومانداسى الداعى ماۋسىمدا ويىن كٶرسەتەتٸن قۇرامدى تولىق جاساقتاپ بٸتتٸ, دەپ حابارلايدى "ۇلت اقپارات".
بيىل قىزىلوردالىق كلۋب قۇرامىنا گەگام كادەميان, ارمان كەڭەسوۆ, ستەفان دەنكوۆيچ, ەگور پوتاپوۆ, ۋسمان ن’دويە, سەرگەي كارپوۆيچ, كاروليس لاۋكجياميس, يوۆان چادجەنوۆيچ, ارتەم لەونوۆ سەكٸلدٸ شەتەلدٸك قوسىلدى.
كوماندا باسشىلىعى تاعى جەرگٸلٸكتٸ 12 فۋتبولشىمەن كەلٸسٸمگە قول قويدى. اتاپ ايتقاندا, ولاردىڭ قاتارىندا ماقسات بايجانوۆ, ولجاس التاەۆ, ەلجاس التىنبەكوۆ, ابىلايحان تٶلەگەنوۆ, شوقان ابزالوۆ, نۇرىمجان سالايدىن, ٶركەن ماحان, ەلجاس سارباي, بەكزات قۇرمانبەكۇلى, دانييار ەلٸمجان, ايان قۇلماعانبەتوۆ سىندى فۋتبولشىلار بار.
جيىن بارىسىندا 30-دان استام ويىنشى سىناقتان ٶتتٸ. ولاردىڭ اراسىنان شەبەرلٸگٸ شىڭدالعان فۋتبولشىلار «قايسار» قۇرامىنا قوسىلدى.
«كوماندا جاڭا ماۋسىمعا تولىقتاي دايىن. «قايساردىڭ» الداعى ويىنداردا جەڭٸسكە جەتۋٸنە ٷلكەن ٷلەس قوساتىن فۋتبولشىلاردى قاتارعا قوستىق دەپ ويلايمىن. فۋتبولشىلار الداعى بٸرٸنشٸلٸككە دايىندىق بارىسىندا 3 وقۋ-جاتتىعۋ جيىنىن ٶتكٸزدٸ. ونىڭ ەكەۋٸ قالادا ٶتسە, سوڭعىسى تٷركييادا بولدى. سوڭعى جيىن بارىسىندا ەۋروپا, ازييا مەن افريكانىڭ بەدەلدٸ كلۋبتارىمەن 9 جولداستىق كەزدەسۋ ٶتكٸزٸلدٸ. سونىڭ 4-ٸندە جەڭٸسكە جەتٸپ, 4-ٸمەن تەڭ تٷسٸپ, بٸرەۋٸندە قارسىلاسقا ەسە جٸبەرٸپ قويدىق», - دەدٸ «قايساردىڭ» باس باپكەرٸ سۇلتان ەبٸلداەۆ.
ايتا كەتەيٸك, 12 ناۋرىزدا «قايسار» فۋتبول كومانداسىنىڭ جاڭا فۋتبولشىلارىن تانىستىرۋ رەسٸمٸ ٶتەدٸ. ال 14 ناۋرىزدا كوماندا ەل بٸرٸنشٸلٸگٸنٸڭ العاشقى تۋرىندا ٶز الاڭىندا «تاراز» كومانداسىن قابىلدايدى.
