Fýtboldan Qazaqstan kýbogy finalyna shyqqan alǵashqy komanda anyqtaldy, dep habarlaidy "Ult aqparat".
Búgin jartylai finaldyń qarymta kezdesýiniń biri Qyzylorda qalasynda ótti. Jergilikti «Qaisar» Qostanaidyń «Tobylyn» qabyldady.
Esterińizge sala ketelik, 22 mamyrda Qostanaida atalmysh eki komanda arasyndaǵy jartylai finaldyń alǵashqy kezdesýi ótkizildi. Ol oiynda «Tobyl» «Qaisardy» 1:0 esebimen jeńgen bolatyn.
Sondyqtan búgingi kezdesýde qyzylordalyq klýb kem degende eki gol aiyrmasymen jeńýi tiis edi. Oiyn basynan alań ieleri shabýylǵa kóbirek kóńil bóldi. Nátijesinde 16-minýtta «Qaisardyń» jartylai qorǵaýshysy Tigran Barsegian óz komandasyn alǵa shyǵardy. Ekinshi kezeńniń 67-minýtynda qyzylordalyq shabýylshy Kýle Mvombo esepti ústemelei tústi. Al 89-minýtta «Tobyl» sapynan Artýras Jýlpa bir golmen jaýap qaiyrdy. Osylaisha oiynnyń sońǵy minýtyna deiin «Qaisardyń» basymdyǵymen tabloda 2:1 esebi janyp turdy. Sońǵy minýtta qostanailyq fýtbolshynyń qolyna óz aiyp alańynda dop tiip, tóreshi olardyń qaqpasyna penalti belgiledi. Ony Tigran Barsegian sheber oryndady. Nátijesinde qarsylasyn 3:1 esebimen jeńgen «Qaisar» 20 jyldan keiin Qazaqstan kýbogy finalyna joldama alyp otyr.
Aita keteiik, qyzylordalyq klýb 1/8 finalda syrt alańda «Ońtústik akademiiasyn», shirek finalda Pavlodardyń «Ertisin» 2:1 esebimen jeńgen-tin.
«Qaisar» komandasy 1999 jyly Óskemenniń «Vostogynan» 2:1 esebimen basym túsip, kýbokqa ie bolǵan edi. 1998 jyly finalǵa deiin jetse, 2007 jyly jartylai finalda baq synady.
