فۋتبولدان قازاقستان كۋبوگى فينالىنا شىققان العاشقى كوماندا انىقتالدى, دەپ حابارلايدى "ۇلت اقپارات".
بٷگٸن جارتىلاي فينالدىڭ قارىمتا كەزدەسۋٸنٸڭ بٸرٸ قىزىلوردا قالاسىندا ٶتتٸ. جەرگٸلٸكتٸ «قايسار» قوستانايدىڭ «توبىلىن» قابىلدادى.
ەستەرٸڭٸزگە سالا كەتەلٸك, 22 مامىردا قوستانايدا اتالمىش ەكٸ كوماندا اراسىنداعى جارتىلاي فينالدىڭ العاشقى كەزدەسۋٸ ٶتكٸزٸلدٸ. ول ويىندا «توبىل» «قايساردى» 1:0 ەسەبٸمەن جەڭگەن بولاتىن.
سوندىقتان بٷگٸنگٸ كەزدەسۋدە قىزىلوردالىق كلۋب كەم دەگەندە ەكٸ گول ايىرماسىمەن جەڭۋٸ تيٸس ەدٸ. ويىن باسىنان الاڭ يەلەرٸ شابۋىلعا كٶبٸرەك كٶڭٸل بٶلدٸ. نەتيجەسٸندە 16-مينۋتتا «قايساردىڭ» جارتىلاي قورعاۋشىسى تيگران بارسەگيان ٶز كومانداسىن العا شىعاردى. ەكٸنشٸ كەزەڭنٸڭ 67-مينۋتىندا قىزىلوردالىق شابۋىلشى كۋلە مۆومبو ەسەپتٸ ٷستەمەلەي تٷستٸ. ال 89-مينۋتتا «توبىل» ساپىنان ارتۋراس جۋلپا بٸر گولمەن جاۋاپ قايىردى. وسىلايشا ويىننىڭ سوڭعى مينۋتىنا دەيٸن «قايساردىڭ» باسىمدىعىمەن تابلودا 2:1 ەسەبٸ جانىپ تۇردى. سوڭعى مينۋتتا قوستانايلىق فۋتبولشىنىڭ قولىنا ٶز ايىپ الاڭىندا دوپ تيٸپ, تٶرەشٸ ولاردىڭ قاقپاسىنا پەنالتي بەلگٸلەدٸ. ونى تيگران بارسەگيان شەبەر ورىندادى. نەتيجەسٸندە قارسىلاسىن 3:1 ەسەبٸمەن جەڭگەن «قايسار» 20 جىلدان كەيٸن قازاقستان كۋبوگى فينالىنا جولداما الىپ وتىر.
ايتا كەتەيٸك, قىزىلوردالىق كلۋب 1/8 فينالدا سىرت الاڭدا «وڭتٷستٸك اكادەميياسىن», شيرەك فينالدا پاۆلوداردىڭ «ەرتٸسٸن» 2:1 ەسەبٸمەن جەڭگەن-تٸن.
«قايسار» كومانداسى 1999 جىلى ٶسكەمەننٸڭ «ۆوستوگىنان» 2:1 ەسەبٸمەن باسىم تٷسٸپ, كۋبوكقا يە بولعان ەدٸ. 1998 جىلى فينالعا دەيٸن جەتسە, 2007 جىلى جارتىلاي فينالدا باق سىنادى.
