«Atyraý» fýtbol komandasy aiyppul tóleidi. Komandanyń eki oiynshysy oiynnan shettetildi, dep habarlaidy "Ult aqparat".
Qazaqstan fýtbol federatsiiasy «Atyraý»-«Shahter» komandalarynyń kezdesýinen keiin osyndai sheshim qabyldady.
«Tártiptik reglamenttiń 45-baby 1-tarmaǵynyń 1-tarmaqshasyna sáikes «Atyraý» komandasynyń oiynshysy Aleksei Rodionov matchtyń resmi tulǵasyna ádepsiz sóz aitqany úshin tórt matchqa shettetilsin. Shettetý merzimi 2021 jylǵy 14 naýryzdan bastap eseptelsin. Tártiptik reglamenttiń 118-babyna sáikes «Atyraý» komandasynyń oiynshysy Sábit Tastanbekovke 2021 jylǵy 14 naýryzdan bastap bolǵan intsidentti jan-jaqty jáne tolyq zańdy talqylaý úshin QFF aiasynda ótkiziletin barlyq jarystarda 30 (otyz) kúntizbelik kúnge shettetý túrindegi ýaqytsha sanktsiia qoldanylsyn» -delingen federatsiianyń aqparatynda.
Federatsiianyń málimetinshe, «Atyraý» fýtbol komandasy Qazaqstan chempionaty men kýbogynyń matchtaryn ótkizýdiń tehnikalyq reglamentin buzyp, matchty internet arqyly taratý múmkindigin, Premer-Liga klýbtary arasyndaǵy 2021 jylǵa arnalǵan Olimpbet reglamenti-Qazaqstan Respýblikasynyń chempionaty negizinde stadion aýmaǵynda (minbe astyndaǵy úi-jaiǵa) quqyq qorǵaý organdarynyń nemese jeke qurylymdardyń kúshimen tóreshiler brigadasyn alyp júrýdi qamtamasyz etpegen.
Sol sebepten, «Atyraý» fýtbol komandasyna tártiptik reglamentiniń 66-babyna sáikes buzýshylyqtardyń jiyntyǵymen 160 AEK mólsherinde aiyppul salyndy. Endi komanda 466 720 teńgeni 18 sáýirge deiin tóleýi tiis.
