«اتىراۋ» فۋتبول كومانداسى ايىپپۇل تٶلەيدٸ. كوماندانىڭ ەكٸ ويىنشىسى ويىننان شەتتەتٸلدٸ, دەپ حابارلايدى "ۇلت اقپارات".
قازاقستان فۋتبول فەدەراتسيياسى «اتىراۋ»-«شاحتەر» كوماندالارىنىڭ كەزدەسۋٸنەن كەيٸن وسىنداي شەشٸم قابىلدادى.
«تەرتٸپتٸك رەگلامەنتتٸڭ 45-بابى 1-تارماعىنىڭ 1-تارماقشاسىنا سەيكەس «اتىراۋ» كومانداسىنىڭ ويىنشىسى الەكسەي روديونوۆ ماتچتىڭ رەسمي تۇلعاسىنا ەدەپسٸز سٶز ايتقانى ٷشٸن تٶرت ماتچقا شەتتەتٸلسٸن. شەتتەتۋ مەرزٸمٸ 2021 جىلعى 14 ناۋرىزدان باستاپ ەسەپتەلسٸن. تەرتٸپتٸك رەگلامەنتتٸڭ 118-بابىنا سەيكەس «اتىراۋ» كومانداسىنىڭ ويىنشىسى سەبيت تاستانبەكوۆكە 2021 جىلعى 14 ناۋرىزدان باستاپ بولعان ينتسيدەنتتٸ جان-جاقتى جەنە تولىق زاڭدى تالقىلاۋ ٷشٸن قفف اياسىندا ٶتكٸزٸلەتٸن بارلىق جارىستاردا 30 (وتىز) كٷنتٸزبەلٸك كٷنگە شەتتەتۋ تٷرٸندەگٸ ۋاقىتشا سانكتسييا قولدانىلسىن» -دەلٸنگەن فەدەراتسييانىڭ اقپاراتىندا.
فەدەراتسييانىڭ مەلٸمەتٸنشە, «اتىراۋ» فۋتبول كومانداسى قازاقستان چەمپيوناتى مەن كۋبوگىنىڭ ماتچتارىن ٶتكٸزۋدٸڭ تەحنيكالىق رەگلامەنتٸن بۇزىپ, ماتچتى ينتەرنەت ارقىلى تاراتۋ مٷمكٸندٸگٸن, پرەمەر-ليگا كلۋبتارى اراسىنداعى 2021 جىلعا ارنالعان Olimpbet رەگلامەنتٸ-قازاقستان رەسپۋبليكاسىنىڭ چەمپيوناتى نەگٸزٸندە ستاديون اۋماعىندا (مٸنبە استىنداعى ٷي-جايعا) قۇقىق قورعاۋ ورگاندارىنىڭ نەمەسە جەكە قۇرىلىمداردىڭ كٷشٸمەن تٶرەشٸلەر بريگاداسىن الىپ جٷرۋدٸ قامتاماسىز ەتپەگەن.
سول سەبەپتەن, «اتىراۋ» فۋتبول كومانداسىنا تەرتٸپتٸك رەگلامەنتٸنٸڭ 66-بابىنا سەيكەس بۇزۋشىلىقتاردىڭ جيىنتىعىمەن 160 اەك مٶلشەرٸندە ايىپپۇل سالىندى. ەندٸ كوماندا 466 720 تەڭگەنٸ 18 سەۋٸرگە دەيٸن تٶلەۋٸ تيٸس.
