Elordalyq «Astana» kelesi jyly aqpan aiynda fýtboldan Portýgaliiada ótetin halyqaralyq «Atlantic Cup» joldastyq týrnirine qatysady, dep habarlaidy "Ult aqparat" komanda saityna silteme jasap.
Atalmysh týrnirge «Astana» komandasynyń negizgi quramy qatysady dep josparlanyp otyr. Elordalyq klýbtan bólek oǵan Daniianyń «Kopengagen», «Orhýs», «Brondbiý», Shvetsiianyń «Norchepping» jáne «Hakken» komandalary keletini belgili bolyp otyr.
Halyqaralyq týrnir 2011 jyldan beri ótkizilip keledi. Búgingi kúnge deiin toǵyz komanda jeńimpaz atanyp úlgerdi. Olardyń qatarynda Daniianyń «Midtiýlland», «Kopengagen», «Orhýs», Reseidiń «Zenit», «Dinamo» (Máskeý), Avstriianyń «Rapid Vien», «Red Býll Zaltsbýrg», Shvetsiianyń «Elfsborg», Horvatiianyń «Rieka» komandalary altynnan alqa taqty.
