Ýkrainalyq maman Vladimir Maziar «Aqjaiyq» komandasynyń bas bapkeri bolyp taǵaiyndaldy, dep habarlaidy "Ult aqparat".
«Aqjaiyq» fýtbol klýbynyń direktory Azamat Shaihynyń aitýynsha, Maziar budan buryn da komandany jattyqtyrǵan bolatyn.
2018 jylǵy maýsymda ýkrainalyq maman bas bapker bolǵan kezde «Aqjaiyq» premer-ligada toǵyzynshy týrdan keiin altynshy orynda turǵan edi.
V.Maziardyń oiynshy retinde de tájiribesi mol. Sporttyq jolynda túrli komandalarda 300-den astam match ótkizgen shabýylshy 79 gol soqty. Ýkraina, sodan keiin Ázerbaijan chempionattarynda óner kórsetip, úzdikter qatarynan kórindi.
Óz elinde 43 jastaǵy maman «Stal» (Dneprodzerjinsk), «Veres» (Rovno), «Rýh» (Vinniki), «Polese» (Jitomir) komandalaryn jattyqtyrdy. Óz klýbtarynyń sheberligin arttyryp, ekinshi ligadan birinshige, birinshi toptan Ýkrainanyń premer-ligasyna alyp shyqty.
