Fýtboldan «Aqtóbe» klýbynyń bas bapkeri, belorýssiialyq maman Aleksei Baga qyzmetinen ketti, dep habarlaidy "Ult aqparat".
«Aqtóbe» fýtbol klýby málim etkenindei, taraptar ózara osyndai sheshimge kelgen.
Fýtboldan Qazaqstan chempionatynyń onynshy týrynda Taldyqorǵanda «Jetisýmen» ótetin oiynda bas bapker mindetin Vladimir Zelenovskii atqaratyn bolatyn. Ol birinshi ligada da osyndai qyzmetti ýaqytsha qolǵa alǵan edi.
El birinshiliginde tórt týr qatarynan jeńiliske ushyraǵan aqtóbelikter týrnir kestesinde 9 upaimen onynshy orynda keledi.
Sonymen qatar «Aqtóbe» fýtbol klýby belgili qazaqstandyq aiaqdop sheberi Iýrii Logvinenkomen kelisimshartqa qol qoiylǵanyn jariia etti.
Osylaisha Aqtóbe fýtbolynyń túlegi Logvinenko óz komandasyna qaita oralyp otyr. Ol Qazaqstan ulttyq quramasy sapynda 49 match ótkizip, 5 gol soqty.
