فۋتبولدان «اقتٶبە» كلۋبىنىڭ باس باپكەرٸ, بەلورۋسسييالىق مامان الەكسەي باگا قىزمەتٸنەن كەتتٸ, دەپ حابارلايدى "ۇلت اقپارات".
«اقتٶبە» فۋتبول كلۋبى مەلٸم ەتكەنٸندەي, تاراپتار ٶزارا وسىنداي شەشٸمگە كەلگەن.
فۋتبولدان قازاقستان چەمپيوناتىنىڭ ونىنشى تۋرىندا تالدىقورعاندا «جەتٸسۋمەن» ٶتەتٸن ويىندا باس باپكەر مٸندەتٸن ۆلاديمير زەلەنوۆسكيي اتقاراتىن بولاتىن. ول بٸرٸنشٸ ليگادا دا وسىنداي قىزمەتتٸ ۋاقىتشا قولعا العان ەدٸ.
ەل بٸرٸنشٸلٸگٸندە تٶرت تۋر قاتارىنان جەڭٸلٸسكە ۇشىراعان اقتٶبەلٸكتەر تۋرنير كەستەسٸندە 9 ۇپايمەن ونىنشى ورىندا كەلەدٸ.
سونىمەن قاتار «اقتٶبە» فۋتبول كلۋبى بەلگٸلٸ قازاقستاندىق اياقدوپ شەبەرٸ يۋريي لوگۆينەنكومەن كەلٸسٸمشارتقا قول قويىلعانىن جارييا ەتتٸ.
وسىلايشا اقتٶبە فۋتبولىنىڭ تٷلەگٸ لوگۆينەنكو ٶز كومانداسىنا قايتا ورالىپ وتىر. ول قازاقستان ۇلتتىق قۇراماسى ساپىندا 49 ماتچ ٶتكٸزٸپ, 5 گول سوقتى.
