Fýkýok – Almaty reisi áýejaiǵa qaita oraldy: áýe kompaniia túsinikteme berdi

Foto: ashyq derekkóz

Air Astana áýe kompaniiasy Fýkýok – Almaty baǵytyndaǵy KC 162 reisiniń keshigýine bailanysty túsinikteme berdi, dep habarlaidy Ult.kz.

Kompaniianyń málimetinshe, 26 jeltoqsanda atalǵan reisti oryndaǵan áýe kemesi borttaǵy barlyq dárethananyń isten shyǵýyna bailanysty ushyp shyqqan áýejaiyna qaita oralýǵa májbúr bolǵan. Ushaq jergilikti ýaqyt boiynsha saǵat 10:04-te áýege kóterilip, 14:14-te qaýipsiz túrde qonǵan.

Qazirgi ýaqytta áýe kemesindegi aqaýlardy joiý jumystary júrgizilip jatyr. Osyǵan bailanysty reistiń ushýy 27 jeltoqsanǵa, jergilikti ýaqyt boiynsha saǵat 04:00-ge deiin keiinge qaldyryldy.

Áýe kompaniiasy jolaýshylarǵa ystyq tamaq pen sýsyndar usynǵanyn, sondai-aq olardy qonaq úige jetkizý jáne ornalastyrý máselelerimen ainalysyp jatqanyn habarlady.

Air Astana reistiń keshiktirilýine bailanysty jolaýshylardan keshirim surady.