Fristail-mogýldan Qazaqstan komandasy Qytaida Olimpiada qarsańyndaǵy jattyǵý jumystaryn jalǵastyrýda. Sportshylar olimpiadalyq trassany synaqtan ótkizip, 3 aqpan kúni bastalatyn básekege daiyndyq ótkizip jatyr, - dep habarlaidy Olympic.kz.
Fristail-mogýldan Beijiń Olimpiadasynda Qazaqstan atynan alty sportshy synǵa túsedi. Kvota FIS reitingisine sai úlestirildi. Olimpiadaǵa qatysý úshin sportshy top-30 qataryna enip, 80-nen asa upai jinaý qajet.
Qazaqstan komandasynyń enshisinde alty joldama bar. Qysqy oiyndarda tórt áiel jáne eki er adam baq synaidy. Atap aitar bolsaq, Iýliia Galysheva, Aiaýlym Ámirenova, Olesia Graýr, Anastasiia Gorodko, Dmitrii Reiherd jáne Pavel Kolmakovqa jankúier bolamyz.
Atalǵan sport túrinde 13 júlde jiyntyǵy sarapqa salynady.
Fristailshylar dodasy 3-19 aqpan aralyǵyna josparlanǵan.
