Fristail-mogýldan AQSh-ta ótip jatqan álem kýbogi kezeńinde qazaqstandyq sportshylar finaldyq jarysta óner kórsetti, dep habarlaidy "Ult aqparat" Olympic.kz saityna silteme jasap.
Áielder arasynda aqtyq synǵa Iýliia Galysheva ótken bolatyn. Ol alǵashqy finaldyq kezeńde 78,90 upai jinap, aqtyq synǵa ótken alty sportshynyń qataryna engen edi. Al basty finalda Galysheva sekirý elementteriniń birinen qate jiberip, 77.31 upaimen 5-inshi orynǵa turaqtady.
Áielder básekesinde frantsiialyq Perrin Laffon top jardy. Onyń enshisinde 83,23 upai bar. Ekinshi jáne úshinshi oryndy japoniialyq sportshylar Anri Kavamýro (80,94) men Kisara Sýmioshi (79,55) ielendi.
Al erler arasynda basty finalǵa joldamany Dmitrii Reiherd jeńip aldy. Ókinishke qarai, qazaqstandyq sporshy sheshýshi sátte qatelikke boi aldyryp, 74,19 upaimen 6-ynshy oryn ielendi.
Bul básekede kanadalyq Mikael Kingsberi (88,10) jeńiske jetti. Ekinshi orynda frantsiialyq Bendjamen Kave (86,25), úshinshi satyda avstraliialyq Met Grem (84,44).
Aita keteiik, kvalifikatsiiany Qazaqstannyń taǵy bir sportshysy – Pavel Kolmakov ótken bolatyn. Alaida ol basty básekege joldama ala almady. Ol jarysty 9-ynshy orynmen aiaqtady.
