Foto: Freedom Holding Corp baspasóz qyzmeti
Freedom Holding Corp. 2026 fiskaldyq jylǵy III toqsannyń qarjylyq nátijelerin jariialardy, kompaniia úshin ol 2025 jylǵy 31 jeltoqsanda aiaqtaldy.
| 2026 f.j. III toqsan (2025 k.j. qazan-jeltoqsan) | 2026 f.j. 9 ai (2025 k.j. sáýir-jeltoqsan) |
Túsim | 628,6 mln AQSh dollary | 1 688 mln AQSh dollary |
Salyqqa deiingi paida | 93,9 mln AQSh dollary | 195 mln AQSh dollary |
Taza paida | 76,2 mln AQSh dollary | 145,4 mln AQSh dollary |
Bir jai aktsiiaǵa shaqqandaǵy paida* | 1,27 AQSh dollary | 2,43 AQSh dollary |
Timýr Týrlov, Freedom Holding Corp. Bas atqarýshy direktory: «2026 fiskaldyq jylǵy úshinshi toqsannyń qorytyndysy boiynsha Freedom Holding Corp. odan ári ornyqty damýda. Ózgermeli makroekonomikalyq orta men jańa retteýshi talaptar jaǵdaiynda da biz ótimdiliktiń joǵary kórsetkishterin saqtap, klientter sanyn turaqty túrde arttyryp alamyz. Bul ikemdi strategiia men innovatsiiaǵa degen ashyq tásildiń arqasynda múmkin bolyp otyr. Biz óz klientterimiz ben aktsionerlerimiz úshin uzaq merzimdi qundylyq jasap, olardyń senimin saqtap, olarmen birge damý úshin qolymyzdan kelgenniń bárin jasap jatyrmyz».
2025 jylǵy 31 jeltoqsanda aiaqtalǵan úsh aidaǵy qarjylyq nátijelerge sholý**
Kompaniianyń jiyntyq túsimi byltyrǵy jyldyń uqsas kezeńindegi 664,6 mln AQSh dollarymen salystyrǵanda 2026 qarjy jylynyń III toqsanynda 628,6 mln AQSh dollaryn qurady. Túsimniń serpini qaita saqtandyrýdy shegere otyryp alynǵan saqtandyrý syilyqaqysynyń tómendeýine, saýda baǵaly qaǵazdarymen jasalatyn operatsiialardan taza qarjylyq nátijeniń tómendeýine, sondai-aq komissiialyq kiristiń qysqarýyna bailanysty. Atalǵan nátijeniń osylai tómendeýi ishinara shetel valiýtasymen jasalatyn operatsiialar boiynsha taza paidanyń ósýimen óteldi.
2025 jylǵy 31 jeltoqsandaǵy jaǵdai boiynsha qarajat pen onyń balamasynyń, shekteýli qarajat pen investitsiialyq baǵaly qaǵazdardyń kólemi 6,6 mlrd AQSh dollaryn qurady, jiyntyq aktivter 12,4 mlrd AQSh dollaryn, al aktsionerlerdiń menshikti kapitaly 1,4 mlrd AQSh dollaryn qurady. Operatsiialyq qyzmetten kelip túsken taza aqsha aǵyny 1,7 mlrd AQSh dollaryna jetti.
Freedom Holding Corp. kompaniiasynyń quramyna kiretin kompaniialardyń klientteriniń jalpy sany 7,2 mln-ǵa deiin ósti, oǵan 2026 f. j. III toqsandaǵy barlyq biznes segment boiynsha klientter qorynyń ósýi kiredi: brokerlik shottar – 828 myń (145 myńnan kóp), saqtandyrý kompaniialarynyń klientteri – 1,2 mln (8 myńnan kóp), kórsetiletin bank qyzmetterin paidalanýshylar – 4,5 mln (1,956 myńnan astam), Freedom SuperApp-ty paidalanýshylar - 4,3 mln (1,2 mln-nan kóp), qarjylyq emes kompaniialardyń klientteri – 697 myń (92 myńnan kóp).
Freedom ekojúiesiniń perimetri boiynsha seriktes kompaniialardyń paidalanýshylaryn eskere otyryp, klientterdiń jalpy sany 11 mln-nan asady.
Qaita saqtandyrýdy shegergendegi saqtandyrý syilyqaqysy salystyrmaly kezeńde 177,5 mln AQSh dollaryna qaraǵanda 106,9 mln AQSh dollaryn qurady, bul retteýshi banktik jáne mikroqarjylyq ónimderge bailanysty polister jónindegi komissiiaǵa engizgen limitke bailanysty boldy, bul jańa biznestiń kólemin qysqartty.
Saýda-sattyq baǵaly qaǵazdary boiynsha taza paida 89,6 mln AQSh dollaryna qaraǵanda 43,5 mln AQSh dollaryn qurady, mundai tómendeý Kompaniia 2025 jylǵy 31 jeltoqsandaǵy jaǵdai boiynsha ielik etken baǵaly qaǵazdar boiynsha pozitsiialar qunynyń tómendeýine bailanysty iske asyrylmaǵan taza shyǵynǵa bailanysty.
Shetel valiýtasymen jasalatyn operatsiialar boiynsha taza paida qaita esepteýden kelip túsken paida esebinen 3,9 mln-men salystyrǵanda 45,8 mln-ǵa deiin ulǵaidy, bul negizinen AQSh dollaryna jáne basqa valiýtalarǵa qaraǵanda qazaqstandyq teńge baǵamynyń nyǵaiýyna bailanysty.
Jalpy shyǵys 2026 qarjy jylynyń III toqsanynda 566,3 mln AQSh dollaryna qaraǵanda shamamen 534,7 mln AQSh dollaryn qurady, bul komissiialyq shyǵystyń, saqtandyrý tólemderiniń, qaita saqtandyrýdy shegergendegi jáne kútiletin kredittik shyǵyn rezerviniń tómendeýimen bailanysty.
2025 jylǵy qazan-jeltoqsan ailarynda «Freedom Shapaǵat» korporativtik qory arqyly ornyqty damý jobalaryn iske asyrýǵa 18,8 mln AQSh dollary jiberildi.
2025 jylǵy 6 qarashada Vashingtonda (AQSh) Qazaqstan Respýblikasynyń Úkimeti, OpenAI, Inc. jáne Freedom Holding Corp. arasyndaǵy strategiialyq kelisimge qol qoiý mańyzdy oqiǵa boldy. Qujatta Qazaqstannyń 165 000 pedagogyna konfidentsialdylyq pen derekterdi basqarý tetikteri kúsheitilgen Chatgpt arnaiy bilim berý nusqasy sanalatyn ChatGPT Edu-dy paidalaný múmkindigin usyný kózdeledi. Kelisim sheńberinde Freedom Holding Corp. bastamany qarjylandyrýdy qamtamasyz etedi, OpenAI ChatGPT Edu platformasyn, qazaq jáne orys tilderinde jergilikti qoldaý qyzmetin usynady, al Qazaqstan Respýblikasynyń Úkimeti jobany memlekettik organdar men bilim berý uiymdarynyń deńgeiinde úilestirýdi júzege asyrady.
