Foto: polisia.kz
Shymkentte oqýshyny aldaǵan alaiaq ustaldy, - dep habarlaidy Ult.kz Polisia.kz saityna silteme jasap.
Politsiia departamentiniń kiberpol qyzmetkerleri "Anti-fraud" is-sharasy aiasynda internet-alaiaqtyq jasaǵan er adamdy ustady.
"Ol "Free Fire" mobildi oiynynyń jetildirilgen akkaýntyn satamyn dep ózgeniń 2 million teńgeden astam qarajatyn iemdengen. 6-synyp oqýshysy usynysqa qyzyǵyp, kúdiktiniń nusqaýy boiynsha anasynyń bank kartasyn sýretke túsirip, karta derekteri men aýdarym jasaýǵa arnalǵan kodty joldaǵan. Shotynda aqshanyń joǵalǵanyn baiqaǵan anasy politsiiaǵa júgindi", - delingen habarlamada.
Jedel-izdestirý sharalary barysynda kúdikti anyqtalyp, ustaldy.
Politsiia ata-analarǵa balalaryna internettegi qaýipsizdik erejeleri týraly jii eskertip otyrýǵa keńes beredi. Bógde adamdarǵa bank derekterin eshqashan habarlamaý kerektigin árdaiym eske salyp júrgen abzal.
