فوتو: polisia.kz
شىمكەنتتە وقۋشىنى الداعان الاياق ۇستالدى, - دەپ حابارلايدى Ult.kz Polisia.kz سايتىنا سٸلتەمە جاساپ.
پوليتسييا دەپارتامەنتٸنٸڭ كيبەرپول قىزمەتكەرلەرٸ "Anti-fraud" ٸس-شاراسى اياسىندا ينتەرنەت-الاياقتىق جاساعان ەر ادامدى ۇستادى.
"ول "Free Fire" موبيلدٸ ويىنىنىڭ جەتٸلدٸرٸلگەن اككاۋنتىن ساتامىن دەپ ٶزگەنٸڭ 2 ميلليون تەڭگەدەن استام قاراجاتىن يەمدەنگەن. 6-سىنىپ وقۋشىسى ۇسىنىسقا قىزىعىپ, كٷدٸكتٸنٸڭ نۇسقاۋى بويىنشا اناسىنىڭ بانك كارتاسىن سۋرەتكە تٷسٸرٸپ, كارتا دەرەكتەرٸ مەن اۋدارىم جاساۋعا ارنالعان كودتى جولداعان. شوتىندا اقشانىڭ جوعالعانىن بايقاعان اناسى پوليتسيياعا جٷگٸندٸ", - دەلٸنگەن حابارلامادا.
جەدەل-ٸزدەستٸرۋ شارالارى بارىسىندا كٷدٸكتٸ انىقتالىپ, ۇستالدى.
پوليتسييا اتا-انالارعا بالالارىنا ينتەرنەتتەگٸ قاۋٸپسٸزدٸك ەرەجەلەرٸ تۋرالى جيٸ ەسكەرتٸپ وتىرۋعا كەڭەس بەرەدٸ. بٶگدە ادامدارعا بانك دەرەكتەرٸن ەشقاشان حابارلاماۋ كەرەكتٸگٸن ەردايىم ەسكە سالىپ جٷرگەن ابزال.
