Frantsiia turǵyndarynyń úshten eki bóligi lokdaýn talaptaryn buzǵan. Bul týraly VVS agenttigi habarlady.
Karantinge bailanysty júrgizilgen saýalnama nátijesi boiynsha, Frantsiianyń shamamen 60 paiyz turǵyny ekinshi lokdaýn engizilgen soń karantin sharalaryn saqtamai júrgeni anyqtaldy. Respondentterdiń shamamen tórtten bir bóligi kóshege shyǵý úshin qajetti ruqsatnamany toltyrǵan kezde, úiden ne úshin shyǵyp otyrǵany jaiynda jalǵan aqparat bergenin moiyndaǵan.
Jalpy alǵanda, frantsýzdar ekinshi lokdaýndy asa elemei otyr. Birinshi jalpyǵa ortaq karantin kezinde saýalnamaǵa qatysqan adamdardyń 40 paiyzǵa jýyǵy ereje buzǵan. Úiden shyǵý úshin jalǵan aqparat berýden basqa, olar úilerinde týystaryn jinap, nemese dostarymen kezdesip júr. Suralǵandardyń shamamen 9 paiyzy súiiktisimen kezdesý úshin úiden shyqqanyn aitqan. Birinshi lokdaýn kezinde mundai adamdar sany nebári 6 paiyzdy quraǵan edi.
Saýalnama barysynda kúzdiń sońyna túsken ekinshi lokdaýn birinshisine qaraǵanda adamdardyń moraldik jaǵdaiynan qatty áser etkeni de anyqtalǵan. Suralǵandardyń shamamen 28 paiyzy qaiǵy-ýaiym sezinip júrgenin jetkizgen. Kóktemgi karantin kezinde mundai sezimde shamamen árbir besinshi adam bolǵan.
Eldiń premer-ministri Jan Kasteks lokdaýn merzimi qysqarmai, kerisinshe bir aiǵa uzarý yqtimaldyǵy týraly aitty.
