فرانتسييا تۇرعىندارىنىڭ ٷشتەن ەكٸ بٶلٸگٸ لوكداۋن تالاپتارىن بۇزعان. بۇل تۋرالى ۆۆس اگەنتتٸگٸ حابارلادى.
كارانتينگە بايلانىستى جٷرگٸزٸلگەن ساۋالناما نەتيجەسٸ بويىنشا, فرانتسييانىڭ شامامەن 60 پايىز تۇرعىنى ەكٸنشٸ لوكداۋن ەنگٸزٸلگەن سوڭ كارانتين شارالارىن ساقتاماي جٷرگەنٸ انىقتالدى. رەسپوندەنتتەردٸڭ شامامەن تٶرتتەن بٸر بٶلٸگٸ كٶشەگە شىعۋ ٷشٸن قاجەتتٸ رۇقساتنامانى تولتىرعان كەزدە, ٷيدەن نە ٷشٸن شىعىپ وتىرعانى جايىندا جالعان اقپارات بەرگەنٸن مويىنداعان.
جالپى العاندا, فرانتسۋزدار ەكٸنشٸ لوكداۋندى اسا ەلەمەي وتىر. بٸرٸنشٸ جالپىعا ورتاق كارانتين كەزٸندە ساۋالناماعا قاتىسقان ادامداردىڭ 40 پايىزعا جۋىعى ەرەجە بۇزعان. ٷيدەن شىعۋ ٷشٸن جالعان اقپارات بەرۋدەن باسقا, ولار ٷيلەرٸندە تۋىستارىن جيناپ, نەمەسە دوستارىمەن كەزدەسٸپ جٷر. سۇرالعانداردىڭ شامامەن 9 پايىزى سٷيٸكتٸسٸمەن كەزدەسۋ ٷشٸن ٷيدەن شىققانىن ايتقان. بٸرٸنشٸ لوكداۋن كەزٸندە مۇنداي ادامدار سانى نەبەرٸ 6 پايىزدى قۇراعان ەدٸ.
ساۋالناما بارىسىندا كٷزدٸڭ سوڭىنا تٷسكەن ەكٸنشٸ لوكداۋن بٸرٸنشٸسٸنە قاراعاندا ادامداردىڭ مورالدٸك جاعدايىنان قاتتى ەسەر ەتكەنٸ دە انىقتالعان. سۇرالعانداردىڭ شامامەن 28 پايىزى قايعى-ۋايىم سەزٸنٸپ جٷرگەنٸن جەتكٸزگەن. كٶكتەمگٸ كارانتين كەزٸندە مۇنداي سەزٸمدە شامامەن ەربٸر بەسٸنشٸ ادام بولعان.
ەلدٸڭ پرەمەر-مينيسترٸ جان كاستەكس لوكداۋن مەرزٸمٸ قىسقارماي, كەرٸسٸنشە بٸر ايعا ۇزارۋ ىقتيمالدىعى تۋرالى ايتتى.
