Foto: Kazgazeta.kz
Frantsiianyń burynǵy prezidenti ózine qarsy sot protsesine yqpal etý maqsatynda aǵa sýdiamen sybailas jemqorlyq jasaǵany úshin kináli dep tanyldy, dep habarlaidy Ult.kz Euronews-ke silteme jasap.
Parij kassatsiialyq soty Frantsiianyń burynǵy prezidenti 69 jastaǵy Nikolia Sarkozige qatysty apelliatsiialyq sottyń sheshimin kúshinde qaldyrdy. Sybailas jemqorlyq, tergeýge yqpal etý jáne qysym kórsetý boiynsha úsh jyl bas bostandyǵynan aiyryldy. Ol eks-prezident bolsa da, jazasyn túrmede arnaiy bilezik taǵyp óteidi.
Eks-prezident advokaty Terri Gertsogpen birge aqparat alý jáne basqa iske yqpal etý maqsatynda 2014 jyly Bettankýr isinde kassatsiialyq sottyń aǵa sýdiasy Gilbert Azibertpen "sybailas jemqorlyq týraly kelisim" jasasqany úshin kináli dep tanyldy.
Sarkozi Azibertke kómektesken jaǵdaida Monakoda laýazymy ósetinin aitqan. Gertsog Sarkozi men Azibert arasyndaǵy deldal rólin atqardy.
Úsheýi de úsh jylǵa bas bostandyǵynan aiyryldy, sonymen qatar úsh jylǵa burynǵy qyzmetimen ainalysýǵa tyiym salyndy. Sarkozi úsh jyl sailaýǵa túse almaidy.
Nikolia Sarkozige qarsy sot 2020 jyldyń qarashasynda ol laýazymyn paidalanyp, iske áser etpek boldy dep bastaldy. L'Oreal kosmetikalyq kompaniiasynyń teń iesi, milliarder Lilian Bettankýrdyń qaiyrymdylyqqa qatysty tergeýi bolǵan eken. Ol sol aqshany 2007 jylǵy sailaý naýqanyna paidalanǵysy kelgen deidi.
.jpg)