Frantsiiadaǵy sút ónimderiniń birsypyra túrin óndiretin «Danone» kompaniiasy laborotoriialarynda shubatty zertteý ústinde. Bul týraly búgin OKQ-da ótken baspasóz máslihatynda Frantsiianyń Qazaqstandaǵy Tótenshe jáne Ókiletti elshisi Fransis Eten málim etti, dep habarlaidy QazAqparat tilshisi.
«Bul jaqta airan, shubat jáne qymyzdy kóptep tutynatynyn bilemin. Men osy ónimderdi bir jolǵa qoia bilse, zor tabysqa kenelýge bolatynyna senimdimin. Sebebi, shubat óte keremet sýsyn. Airannyń da dámi erekshe. Al men máselen, qymyzdy jaqsy kóremin. Frantsýzdar qymyzdyń dámine úirengen joq. Ónimge suranysty arttyrý úshin frantsýzdardy qymyzǵa úiretý kerek! Ótkende Shyǵys Qazaqstanǵa barǵanymda maǵan qymyz usyndy. Qyzyǵyp ketkenim sonshalyq, eki litrin ózimmen ala keldim», - deidi elshi.
Fransis Etenniń aitýynsha, Qazaqstanda sheteldik naryqqa usynýǵa turarlyq sýsyndar bar. Onyń sózine sensek, shubat depressiiada júrgenderdi jaza alatyn taptyrmas sýsyn eken.
«Danone» qazirgi ýaqytta shubatty zerttep jatyr. Eń bastysy, qaitalap aitarym - frantsýzdarǵa bul jaqtaǵy ónimderdiń dámine úiretý kerek! Eger naryqta suranysqa ie bolýyna birlese kúsh salsaq, shubatty Frantsiiada óndirýge bolady», - dep túidi Fransis Eten.
