فرانتسيياداعى سٷت ٶنٸمدەرٸنٸڭ بٸرسىپىرا تٷرٸن ٶندٸرەتٸن «Danone» كومپانيياسى لابوروتورييالارىندا شۇباتتى زەرتتەۋ ٷستٸندە. بۇل تۋرالى بٷگٸن وكق-دا ٶتكەن باسپاسٶز مەسليحاتىندا فرانتسييانىڭ قازاقستانداعى تٶتەنشە جەنە ٶكٸلەتتٸ ەلشٸسٸ فرانسيس ەتەن مەلٸم ەتتٸ, دەپ حابارلايدى قازاقپارات تٸلشٸسٸ.
«بۇل جاقتا ايران, شۇبات جەنە قىمىزدى كٶپتەپ تۇتىناتىنىن بٸلەمٸن. مەن وسى ٶنٸمدەردٸ بٸر جولعا قويا بٸلسە, زور تابىسقا كەنەلۋگە بولاتىنىنا سەنٸمدٸمٸن. سەبەبٸ, شۇبات ٶتە كەرەمەت سۋسىن. ايراننىڭ دا دەمٸ ەرەكشە. ال مەن مەسەلەن, قىمىزدى جاقسى كٶرەمٸن. فرانتسۋزدار قىمىزدىڭ دەمٸنە ٷيرەنگەن جوق. ٶنٸمگە سۇرانىستى ارتتىرۋ ٷشٸن فرانتسۋزداردى قىمىزعا ٷيرەتۋ كەرەك! ٶتكەندە شىعىس قازاقستانعا بارعانىمدا ماعان قىمىز ۇسىندى. قىزىعىپ كەتكەنٸم سونشالىق, ەكٸ ليترٸن ٶزٸممەن الا كەلدٸم», - دەيدٸ ەلشٸ.
فرانسيس ەتەننٸڭ ايتۋىنشا, قازاقستاندا شەتەلدٸك نارىققا ۇسىنۋعا تۇرارلىق سۋسىندار بار. ونىڭ سٶزٸنە سەنسەك, شۇبات دەپرەسسييادا جٷرگەندەردٸ جازا الاتىن تاپتىرماس سۋسىن ەكەن.
«Danone» قازٸرگٸ ۋاقىتتا شۇباتتى زەرتتەپ جاتىر. ەڭ باستىسى, قايتالاپ ايتارىم - فرانتسۋزدارعا بۇل جاقتاعى ٶنٸمدەردٸڭ دەمٸنە ٷيرەتۋ كەرەك! ەگەر نارىقتا سۇرانىسقا يە بولۋىنا بٸرلەسە كٷش سالساق, شۇباتتى فرانتسييادا ٶندٸرۋگە بولادى», - دەپ تٷيدٸ فرانسيس ەتەن.
