Foto ©REUTERS
Frantsiianyń birqatar qalasynda prezident sailaýynyń birinshi týrynyń qorytyndysyna qarsy jappai narazylyq sherýleri ótti, - dep habarlaidy Tengrinews.kz tilshisi BFM TV arnasyna silteme jasap.
Telearna málimetinshe, tek Renn qalasynda narazylyqqa 500-ge jýyq adam shyqqan, kópshiligi - jastar. Belsendiler antikapitalistik jáne antifashizmge qarsy urandar aityp, qala ortalyǵyn aralap ótken.
Kóp uzamai, bul narazylyq tártipsizdikke ulasqan: jastar kóshe jihazdaryn syndyryp, bank bólimsheleri, ondaǵan dúken terezesin syndyrǵan. Málimet boiynsha, qala ortalyǵyndaǵy alańdardyń birinde órt shyǵyp, órt sóndirýshilerdiń aralasýy qajet bolǵan.
Dál osyndai aktsiia Lion qalasynda da ótken. Onda narazylyqqa shyqqandar sany áli belgisiz. Belsendilerdi aýyzdyqtaý úshin politsiia jumyldyrylǵan.
Narazylyq bildirýshiler prezident sailaýyna túskenderdiń eshqaisyn - Emmanýel Makrondy da, Marin Le Pendi de qoldamaityndaryn aitty.
Eske salaiyq, Frantsiiada kezekti prezident sailaýy ótip jatyr. 2022 jyldyń 10 sáýiri - birinshi týr jáne 24 sáýir – ekinshi týr. Alǵashqy týr qorytyndysy boiynsha, Frantsiianyń qazirgi prezidenti Emmanýel Makron men "Ulttyq birlik" ásire ońshyl kúshteriniń ókili Marin Le Pen kósh bastap tur.
