Búǵan deiin Kamerýnnan kelgen saiahatshydan belgisiz shtamm tabylǵan edi. Ol Frantsiianyń ońtústiginde kem degende 12 adamǵa juqtyryp úlgergen. Onyń testi «mýtatsiianyń atipti kombinatsiiasyn» kórsetti.
Koronavirýstyń jańa túrine ýaqytsha B.1.640.2 ataýy berildi. Ony Marseldegi Jerorta teńizi juqpaly aýrýlar institýtynyń ǵalymdary ashty. Jańa nusqadan 46 mýtatsiia anyqtalǵan.
Bul shtamm buǵan deiingi nusqalarǵa qaraǵanda qatty juqpaly bolýy múmkin. Ázirge ol týraly málimet az.
Qazirgi ýaqytta Frantsiia aýmaǵynda koronavirýstyń «omikron» shtamy órship tur. Aýyrǵandardyń 60 paiyzy sony juqtyrǵan. Pandemiia bastalǵan ýaqyttan beri elde 10 mln astam adam koronavirýs juqtyrdy.
3 qańtardan bastap Frantsiiada jańa ereje engizildi, oǵan sáikes 6 jastan asqan balalar (buǵan deiin 11 jas) maska taǵýǵa mindetteldi. Budan bólek, Parij ben Lion siiaqty iri qalalarda kóshede qaita maska taǵyp júrý kerek.
