Frantsiianyń soltústik-batysyndaǵy Bretan aýdanynda koronavirýstyń jańa túri anyqtaldy. Aldyn ala málimet boiynsha, ol - asa qaýipti emes. Bul týraly eldiń Densaýlyq saqtaý ministrligi habarlady, - dep habarlaidy "Ult aqparat".
Koronavirýstyń bul túrin anyqtaý qiyn bolǵan. Ony juqtyrǵan adamdarda SARS-CoV-2-niń simptomdary baiqalǵan. Alaida PTR-testterdiń nátijesi teris shyqqan.
"Koronavirýstyń jańa túri Kot-d`Armor departamentiniń Lanon ortalyǵynda aýrýhanadan anyqtaldy. 13 naýryzda 79 jaǵdai tirkeldi, onyń segizi koronavirýstyń jańa túri. Olar sekvestrleý arqyly anyqtaldy", - delingen Frantsiianyń DSM saitynda.
Aldyn ala málimet boiynsha, mamandar onyń "qaýipsizdigi men adamǵa taraýy týraly" áli sheshim shyǵarmaǵan. Mamandar virýsty zertteýmen ainalysyp jatyr jáne virýstyń bul túri "aldyńǵy virýs kezinde qalyptasqan antidene men vaktsinatsiiaǵa" qalai áser etetinin zertteidi.
Vedomstvo málimetinshe, Frantsiia biligi koronavirýstyń jańa túri týraly aqparatty halyqaralyq densaýlyq saqtaý organdaryna jibergen.
