Frantsiiada koronavirýsqa qarsy ekpe naýqanynyń alǵashqy bes kúninde 45 myńǵa jýyq adam vaktsina aldy. Mundai málimetterdi densaýlyq saqtaý ministri Olive Veran taratty. Resmi statistikaǵa sáikes, vaktsinatsiia qarqyndy júrýde, alaida ol úkimet josparlaǵan kórsetkishten aitarlyqtai tómen, dep habarlaidy Euronews.
Dárigerler egý naýqanynyń aitarlyqtai qarqyndy júrmeýine alańdaýly. Bul COVID-19 infektsiiasynyń ósýine jáne odan da kóp ólimge ákelýi múmkin deidi.
«Ár joǵaltqan aptamyz – bul aýrýhanalarǵa jatqyzý, meditsina kómeginsiz qalǵan adamdardyń kóbeiýi, Densaýlyq saqtaý júiesine shamadan tys júkteme, sonymen qatar lokdaýn, jabyq meiramhana men barlar... Vaktsina – daǵdarystan shyǵýdyń kózi. Alaida usynylǵan kesteniń qarqyny baiaý, biz bul protsesti tezdetýimiz kerek... Qazirgi qarqynmen bizde ujymdyq immýnitet paida bolǵanǵa deiin ailar, múmkin jyldar ótedi. Virýs taralýyn toqtatý úshin múmkindiginshe kóp adamdy vaktsinatsiia alý kerek», - deidi terapevt Jimmi Moamed.
Úkimet aidyń sońyna deiin million adamdy koronavirýsqa qarsy egý úshin vaktsinatsiiany jedeldetýge ýáde berdi. Densaýlyq saqtaý ministrligi aldymen 50 jastan asqan nemese asqyný qaýpi joǵary densaýlyq saqtaý júiesiniń barlyq qyzmetkerlerin vaktsinanyń tuńǵysh vaktsinanyń eki dozasynyń birimen qamtamasyz etýdi josparlap otyr.
18 qańtardan bastap 75 jastan asqan Frantsiia turǵyndary vaktsina alý quqyǵyna ie bolýy kerek. Jańa ekpe pýnktteriniń kóptep ashylýy naýqannyń jedeldeýine yqpal etýi tiis. Ázirge eldiń ár departamentinde osyndai bir ortalyqty ornalastyrý múmkin boldy.
Áleýmettanýshylardyń pikirinshe, qoǵamdaǵy senimsizdikke bailanysty da qiyndyqtar týyndaýy múmkin. Sońǵy zertteýlerge sáikes, frantsýzdardyń shamamen 45%-y koronavirýsqa qarsy ekpe alǵysy kelmeidi.
