Frantsiia prezidenti Emmanýel Makron pandemiianyń taralýymen kúres aiasynda sanitarlyq talaptardy kúsheitetinin jariialady, dep habarlaidy Euronews.
El astanasy men aýrý juqtyrý deńgeii joǵary Lill, Grenobl, Lion, Marsel, Monpele, Rýan, Týlýza jáne Sent-Eten sekildi iri segiz qalada senbi kúni saǵat 21:00-den bastap komendanttyq saǵat engiziledi. Bul rejim keminde tórt aptaǵa deiin sozylady. Úkimet Parlamentpen ony 1 jeltoqsanǵa deiin uzartýdy kelisýi múmkin.
Eger osy alty apta ishinde el turǵyndary sanitarlyq shekteýlerge jaýapkershilikpen qarasa jáne infektsiianyń taralýyn toqtatý múmkin bolsa, onda jyldyń aiaǵynan bastap bul sharalardy birtindep jeńildetýge bolady», — dedi Makron.
Onyń aitýynsha, dostardyń, jaqyn adamdardyń kezdesýleri, týǵan kún keshteri jáne taǵy da basqa keshki jiyn-toilar men merekelik keshter aýrý juqtyrý deńgeiiniń artýyna sebep bolyp otyr. Keshki toǵyzdan bastap barlyq bar, meiramhana, teatr men kinoteatr jabylýy tiis. Prezident komendanttyq saǵat engizilgen kezde atalǵan qalalardyń barlyq turǵyny óz úilerine qaitady degen senimde.
