Frantsiiada Eýropa qazaqtarynyń quryltaiy ótip jatyr. Jiynǵa Eýropalyq Odaq aimaǵynda turatyn qandastarymyz ben Túrkiia jáne Qazaqstannan delegatsiialar qatysty. Pandemiiadan keiin alǵash ótip jatqan eleýli sharaǵa myńǵa jýyq adam jinalǵan, - dep habarlaidy "Ult aqparat" "Habar 24" telearnasyna silteme jasap.
Eýropalyq qazaqtar úshin quryltai - erekshe mańyzdy is-shara. Sebebi, jyraqta júrgen qandastarymyzdyń basyn qosatyn mundai jiyndardyń maqsaty - ultymyzdyń tól mádenietin saqtap, ulyqtaý.
Quryltaidaǵy eleýli is-sharalardyń biri - fýtbol týrniri. Dodaǵa túrli elden 13 komanda jinalǵan.
"Shetelde turamyz ǵoi… Shetelde turǵandyqtan ózimizdiń mádeniet pen dástúrimizdi saqtaýymyz kerek. Jylyna bir ret uiymdastyrylatyn osyndai quryltailarda óz týystarymyzdy kóremiz, qandastarymyzdy kóremiz. Sol úshin bul is-shara biz úshin óte mańyzdy"- deidi Aýstriiadaǵy qazaq diasporasy qaýymdastyǵynyń tóraǵasy Ertuǵrul Sholpan.
Quryltaidy Frantsiiadaǵy qazaqtar men Parijdegi qazaqstandyq diplomattar jáne "Otandastar" qory uiymdastyrǵan. Is-shara baǵdarlamasy barynsha mazmundy ári paidaly etip qurylǵan. Onyń aiasynda Eýropadaǵy diasporalardyń kezdesýi, etnodizainer Qazipa Qaliqyzynyń dárisi, ár elden jinalǵan óner adamdarynyń kontsertterin ótkizý qarastyrylǵan. Tipti jastar úshin bi keshin ótkizý oilastyrylǵan.
"Eýropanyń ortasynda Parijdiń tórinde qazaqtyń týyn kóterer qoǵam bar. Bul qoǵam kele jatqan urpaq ata salt-dástúrin, tilin umytpasyn degen maqsatpen quryldy", - deidi Frantsiiadaǵy Túrik qazaqtary qaýymdastyǵynyń prezidenti Esimhan Nazir.
Parij quryltaiy baǵdarlamasynda mádeni kórikti jerlerge ainalǵan Abai men Mustafa Shoqai eskertkishine taǵzym etý de qamtylǵan.
Otandastar qorynyń málimetine qaraǵanda, qazir tarihi Otannan jyraqta júrgen qazaqtardyń sany 8 millionnan asady. Qandastarymyzdyń Qazaqstanmen mádeni bailanysy jemisti damyp keledi. Endi álemniń ár elindegi qazaq diasporalarynyń yntymaqtastyǵyn nyǵaitý kózdelip otyr.
