فرانتسييادا ەۋروپا قازاقتارىنىڭ قۇرىلتايى ٶتٸپ جاتىر. جيىنعا ەۋروپالىق وداق ايماعىندا تۇراتىن قانداستارىمىز بەن تٷركييا جەنە قازاقستاننان دەلەگاتسييالار قاتىستى. پاندەمييادان كەيٸن العاش ٶتٸپ جاتقان ەلەۋلٸ شاراعا مىڭعا جۋىق ادام جينالعان, - دەپ حابارلايدى "ۇلت اقپارات" "حابار 24" تەلەارناسىنا سٸلتەمە جاساپ.
ەۋروپالىق قازاقتار ٷشٸن قۇرىلتاي - ەرەكشە ماڭىزدى ٸس-شارا. سەبەبٸ, جىراقتا جٷرگەن قانداستارىمىزدىڭ باسىن قوساتىن مۇنداي جيىنداردىڭ ماقساتى - ۇلتىمىزدىڭ تٶل مەدەنيەتٸن ساقتاپ, ۇلىقتاۋ.
قۇرىلتايداعى ەلەۋلٸ ٸس-شارالاردىڭ بٸرٸ - فۋتبول تۋرنيرٸ. دوداعا تٷرلٸ ەلدەن 13 كوماندا جينالعان.
"شەتەلدە تۇرامىز عوي… شەتەلدە تۇرعاندىقتان ٶزٸمٸزدٸڭ مەدەنيەت پەن دەستٷرٸمٸزدٸ ساقتاۋىمىز كەرەك. جىلىنا بٸر رەت ۇيىمداستىرىلاتىن وسىنداي قۇرىلتايلاردا ٶز تۋىستارىمىزدى كٶرەمٸز, قانداستارىمىزدى كٶرەمٸز. سول ٷشٸن بۇل ٸس-شارا بٸز ٷشٸن ٶتە ماڭىزدى"- دەيدٸ اۋستريياداعى قازاق دياسپوراسى قاۋىمداستىعىنىڭ تٶراعاسى ەرتۇعرۇل شولپان.
قۇرىلتايدى فرانتسيياداعى قازاقتار مەن پاريجدەگٸ قازاقستاندىق ديپلوماتتار جەنە "وتانداستار" قورى ۇيىمداستىرعان. ٸس-شارا باعدارلاماسى بارىنشا مازمۇندى ەرٸ پايدالى ەتٸپ قۇرىلعان. ونىڭ اياسىندا ەۋروپاداعى دياسپورالاردىڭ كەزدەسۋٸ, ەتنوديزاينەر قازيپا قاليقىزىنىڭ دەرٸسٸ, ەر ەلدەن جينالعان ٶنەر ادامدارىنىڭ كونتسەرتتەرٸن ٶتكٸزۋ قاراستىرىلعان. تٸپتٸ جاستار ٷشٸن بي كەشٸن ٶتكٸزۋ ويلاستىرىلعان.
"ەۋروپانىڭ ورتاسىندا پاريجدٸڭ تٶرٸندە قازاقتىڭ تۋىن كٶتەرەر قوعام بار. بۇل قوعام كەلە جاتقان ۇرپاق اتا سالت-دەستٷرٸن, تٸلٸن ۇمىتپاسىن دەگەن ماقساتپەن قۇرىلدى", - دەيدٸ فرانتسيياداعى تٷرٸك قازاقتارى قاۋىمداستىعىنىڭ پرەزيدەنتٸ ەسٸمحان نازير.
پاريج قۇرىلتايى باعدارلاماسىندا مەدەني كٶرٸكتٸ جەرلەرگە اينالعان اباي مەن مۇستافا شوقاي ەسكەرتكٸشٸنە تاعزىم ەتۋ دە قامتىلعان.
وتانداستار قورىنىڭ مەلٸمەتٸنە قاراعاندا, قازٸر تاريحي وتاننان جىراقتا جٷرگەن قازاقتاردىڭ سانى 8 ميلليوننان اسادى. قانداستارىمىزدىڭ قازاقستانمەن مەدەني بايلانىسى جەمٸستٸ دامىپ كەلەدٸ. ەندٸ ەلەمنٸڭ ەر ەلٸندەگٸ قازاق دياسپورالارىنىڭ ىنتىماقتاستىعىن نىعايتۋ كٶزدەلٸپ وتىر.
