Frantsiiada sońǵy táýlikte koronavirýs juqtyrýdyń 58 myńnan astam jańa jaǵdaiy anyqtaldy. Bul – epidemiia bastalǵaly eldegi eń joǵarǵy kórsetkish. Bul týraly Frantsiianyń Ulttyq densaýlyq saqtaý basqarmasynyń basshysy Jerom Salomon málim etti, dep habarlaidy Euronews agenttigi.
Eldiń Ulttyq densaýlyq saqtaý basqarmasy basshysynyń aitýynsha, kóktemde aýrýdyń sharyqtaý kezeńinde virýs juqtyrǵandar sany 8 myńnan aspap edi.
Eýropa elderiniń ishinde Frantsiiada koronavirýsqa shaldyǵýshylar sany óte kóp. Munda 1,6 mln adam virýs juqtyrǵan. Júrgizilgen testiń 20% oń nátije kórsetedi.
Osy aptanyń alǵashqy úsh kúniniń ózinde elde koronavirýstan 1600-den astam adam kóz jumǵan. 130 myń adam aýrýǵa shaldyqqan. Aýrýhanalardaǵy júktemeler de artqan. Bir apta buryn Frantsiiada qaita engizilgen karantin sharalary esh nátije berer emes.
Eldiń densaýlyq saqtaý ministri Olive Veran eń aýyr jaǵdai Overn-Rona-Alpy óńirinde ekenin atap ótti. Bul aimaqtaǵy patsientter basqa aimaqtarǵa jetkizilýde, óitkeni atalǵan óńir aýrýhanalarynda bos oryn joq.
