فرانتسييادا سوڭعى تەۋلٸكتە كوروناۆيرۋس جۇقتىرۋدىڭ 58 مىڭنان استام جاڭا جاعدايى انىقتالدى. بۇل – ەپيدەمييا باستالعالى ەلدەگٸ ەڭ جوعارعى كٶرسەتكٸش. بۇل تۋرالى فرانتسييانىڭ ۇلتتىق دەنساۋلىق ساقتاۋ باسقارماسىنىڭ باسشىسى جەروم سالومون مەلٸم ەتتٸ, دەپ حابارلايدى ەuronews اگەنتتٸگٸ.
ەلدٸڭ ۇلتتىق دەنساۋلىق ساقتاۋ باسقارماسى باسشىسىنىڭ ايتۋىنشا, كٶكتەمدە اۋرۋدىڭ شارىقتاۋ كەزەڭٸندە ۆيرۋس جۇقتىرعاندار سانى 8 مىڭنان اسپاپ ەدٸ.
ەۋروپا ەلدەرٸنٸڭ ٸشٸندە فرانتسييادا كوروناۆيرۋسقا شالدىعۋشىلار سانى ٶتە كٶپ. مۇندا 1,6 ملن ادام ۆيرۋس جۇقتىرعان. جٷرگٸزٸلگەن تەستٸڭ 20% وڭ نەتيجە كٶرسەتەدٸ.
وسى اپتانىڭ العاشقى ٷش كٷنٸنٸڭ ٶزٸندە ەلدە كوروناۆيرۋستان 1600-دەن استام ادام كٶز جۇمعان. 130 مىڭ ادام اۋرۋعا شالدىققان. اۋرۋحانالارداعى جٷكتەمەلەر دە ارتقان. بٸر اپتا بۇرىن فرانتسييادا قايتا ەنگٸزٸلگەن كارانتين شارالارى ەش نەتيجە بەرەر ەمەس.
ەلدٸڭ دەنساۋلىق ساقتاۋ مينيسترٸ وليۆە ۆەران ەڭ اۋىر جاعداي وۆەرن-رونا-الپى ٶڭٸرٸندە ەكەنٸن اتاپ ٶتتٸ. بۇل ايماقتاعى پاتسيەنتتەر باسقا ايماقتارعا جەتكٸزٸلۋدە, ٶيتكەنٸ اتالعان ٶڭٸر اۋرۋحانالارىندا بوس ورىن جوق.
