Búgin elimizdiń Mədeniet jəne sport ministri Aqtoty Raiymqulova Frantsiianyń Bretan ólkesi, Renn qalasyndaǵy Qazaqstan Respýblikasynyń Qurmetti Konsýly Janar Avar Tórebaevany qabyldady, dep habarlaidy "Ult aqparat".
Kezdesý barysynda ministr Janar Tórebaevany Qazaqstan men Frantsiia arasyndaǵy dostyq qarym-qatynasty nyǵaityp, qazaq mədenietin damytýǵa qosqan úlesi úshin «Mádeniet salasynyń úzdigi» tósbelgisimen marapattady.
«Siz Gippokrat aldyndaǵy sertińizdi qaltqysyz oryndap, meditsina salasynda biik belesterdi baǵyndyryp kele jatqan abzal jansyz. Osynaý jaýapty qyzmettiń qyr-syryn jetik meńgerip, jas mamandarǵa úlgi kórsetip kelesiz. Sonymen qatar halqymyz Sizdi álemdik deńgeidegi oishyl, qazaq rýhaniiatynyń temirqazyǵy Abaidyń mol murasyn Frantsiiada nasihattaýǵa ólsheýsiz úles qosyp kele jatqan ór minezdi azamat retinde de jaqsy biledi. «Almaty-Renn» qalalar baýyrlastyǵy Sizdiń jetekshiligińizben eki memleket arasyndaǵy san saladaǵy qarym-qatynasty jandandyra túsýge atsalysyp otyr. Osy oraida Renn qalasynyń tórinde hakim Abai atamyzdyń eskertkishin qoiýǵa kúsh salyp, qazaq mádeniet tanytýǵa zor eńbek sińirgenińizdi atap ótkim keledi. Aldaǵy ýaqytta da Qazaqstan men Frantsiia arasyndaǵy tyǵyz mádeni, saiasi, ekonomikalyq bailanystardy damytý jolynda qolǵa alǵan bastamalaryńyzǵa sáttilik serik bolsyn!», - dedi Aqtoty Raiymqulova.
Aita keteiik, Janar Tórebaeva 2018 jyly Qazaqstan Respýblikasynyń Renn qalasyndaǵy Qurmetti Konsýly qyzmetine sailanǵan. Sol kezden bastap Bretan halyqaralyq kommertsiia palatasy jáne Frantsiia Syrtqy isteriniń Bretan ólkesindegi ekonomikalyq diplomatymen birge Qazaqstanǵa investitsiia tartý boiynsha qyrýar sharýa atqaryp keledi.
Qazaqstannyń Parijdegi Elshiligimen birlesip, 2018-2019 jyldan beri eki el arasynda aýyl sharýashylyǵy, ekonomika salasynda ekijaqty kezdesýler uiymdastyryp júr.
Sonymen qatar ol 2014 jyly Renn qalasyndaǵy joǵary kommertsiia ýniversiteti men Almaty Menedjment ýniversiteti arasynda konventsiia jasaýǵa atsalysyp, osy joǵary oqý ornynda oqyp júrgen qazaq stýdentterge qamqorlyq jasap keledi.
Ótken jyldan bastap Abai Qunanbaiulynyń 175 jyldyq mereitoiyn Renn qalasynda atap ótýge qyzý daiyndyq jumystaryn júrgizgen. Bretan folklorlyq mýzyka aspaptary ansamblimen nasihattaý jumysyn júrgizip, Renn-Almaty baýyrlastyǵy aiasynda «AlRenn» kvartetin qurǵan. Ujym hakim Abai óleńderin frantsýz tiline aýdaryp, Renn qalasynda bolatyn mereitoiǵa daiyndady. Endi «AlRenn» kvarteti Abai óleńderin Bretan jáne de basqa ólkelerde jyl saiyn bolatyn folklor festivalinde oryndaityn bolady.
Al 2016 jyly Janar Tórebaeva jergilikti bilikpen úsh jyldai kelissózder júrgizip, Renn qalasyndaǵy «Almaty» saiabaǵynan Abai eskertkishin ashqyzdy.
2019 jyly Qazaqstan Elshiligi bastaǵan Abai shyǵarmalaryn oryndaý bastamasyna qatysyp, Frantsiiada jalǵasýyna úles qosty.
Biyl aqpanda QR Ulttyq akademiialyq kitaphananyń usynysy boiynsha Renn ýniversiteti kitaphanasymen kelissóz júrgizip, 15 qarashada Abai jáne ózge de qazaq jazýshylarynyń kitaptaryn ýniversitet kitaphanasyna tapsyrady. Aldaǵy ýaqytta Renn ýniversitetiniń halyqaralyq ədebiet jáne tarih fakýltetteriniń stýdentterine abaitaný jáne qazaq mádenieti jaily dáris oqymaq.
Osylaisha Janar Tórebaeva Frantsiiada qazaq mádenietin, Abaitaný salasyn tanytý jolynda da eńbek etip jatyr.
Janar Tórebaeva 1967 jyly 20 səýirde Almaty oblysy, Shelek aýylynda dúniege kelgen. 1990 jyly Sank-Peterbýrg memlekettik meditsina ýniversitetin təmamdaǵan. 1999 jyly Frantsiiaǵa qonys aýdarǵan. Qazir negizgi mamandyǵy dərigerlikten bólek Renn qalasynda birqatar qoǵamdyq jumys atqarady. 1999 jyldan beri «Almaty-Renn» qalalar baýyrlastyǵynyń múshesi.
