بٷگٸن ەلٸمٸزدٸڭ مəدەنيەت جəنە سپورت مينيسترٸ اقتوتى رايىمقۇلوۆا فرانتسييانىڭ برەتان ٶلكەسٸ, رەنن قالاسىنداعى قازاقستان رەسپۋبليكاسىنىڭ قۇرمەتتٸ كونسۋلى جانار اۆار تٶرەباەۆانى قابىلدادى, دەپ حابارلايدى "ۇلت اقپارات".
كەزدەسۋ بارىسىندا مينيستر جانار تٶرەباەۆانى قازاقستان مەن فرانتسييا اراسىنداعى دوستىق قارىم-قاتىناستى نىعايتىپ, قازاق مəدەنيەتٸن دامىتۋعا قوسقان ٷلەسٸ ٷشٸن «مەدەنيەت سالاسىنىڭ ٷزدٸگٸ» تٶسبەلگٸسٸمەن ماراپاتتادى.
«سٸز گيپپوكرات الدىنداعى سەرتٸڭٸزدٸ قالتقىسىز ورىنداپ, مەديتسينا سالاسىندا بيٸك بەلەستەردٸ باعىندىرىپ كەلە جاتقان ابزال جانسىز. وسىناۋ جاۋاپتى قىزمەتتٸڭ قىر-سىرىن جەتٸك مەڭگەرٸپ, جاس ماماندارعا ٷلگٸ كٶرسەتٸپ كەلەسٸز. سونىمەن قاتار حالقىمىز سٸزدٸ ەلەمدٸك دەڭگەيدەگٸ ويشىل, قازاق رۋحانيياتىنىڭ تەمٸرقازىعى ابايدىڭ مول مۇراسىن فرانتسييادا ناسيحاتتاۋعا ٶلشەۋسٸز ٷلەس قوسىپ كەلە جاتقان ٶر مٸنەزدٸ ازامات رەتٸندە دە جاقسى بٸلەدٸ. «الماتى-رەنن» قالالار باۋىرلاستىعى سٸزدٸڭ جەتەكشٸلٸگٸڭٸزبەن ەكٸ مەملەكەت اراسىنداعى سان سالاداعى قارىم-قاتىناستى جانداندىرا تٷسۋگە اتسالىسىپ وتىر. وسى ورايدا رەنن قالاسىنىڭ تٶرٸندە حاكٸم اباي اتامىزدىڭ ەسكەرتكٸشٸن قويۋعا كٷش سالىپ, قازاق مەدەنيەت تانىتۋعا زور ەڭبەك سٸڭٸرگەنٸڭٸزدٸ اتاپ ٶتكٸم كەلەدٸ. الداعى ۋاقىتتا دا قازاقستان مەن فرانتسييا اراسىنداعى تىعىز مەدەني, ساياسي, ەكونوميكالىق بايلانىستاردى دامىتۋ جولىندا قولعا العان باستامالارىڭىزعا سەتتٸلٸك سەرٸك بولسىن!», - دەدٸ اقتوتى رايىمقۇلوۆا.
ايتا كەتەيٸك, جانار تٶرەباەۆا 2018 جىلى قازاقستان رەسپۋبليكاسىنىڭ رەنن قالاسىنداعى قۇرمەتتٸ كونسۋلى قىزمەتٸنە سايلانعان. سول كەزدەن باستاپ برەتان حالىقارالىق كوممەرتسييا پالاتاسى جەنە فرانتسييا سىرتقى ٸستەرٸنٸڭ برەتان ٶلكەسٸندەگٸ ەكونوميكالىق ديپلوماتىمەن بٸرگە قازاقستانعا ينۆەستيتسييا تارتۋ بويىنشا قىرۋار شارۋا اتقارىپ كەلەدٸ.
قازاقستاننىڭ پاريجدەگٸ ەلشٸلٸگٸمەن بٸرلەسٸپ, 2018-2019 جىلدان بەرٸ ەكٸ ەل اراسىندا اۋىل شارۋاشىلىعى, ەكونوميكا سالاسىندا ەكٸجاقتى كەزدەسۋلەر ۇيىمداستىرىپ جٷر.
سونىمەن قاتار ول 2014 جىلى رەنن قالاسىنداعى جوعارى كوممەرتسييا ۋنيۆەرسيتەتٸ مەن الماتى مەنەدجمەنت ۋنيۆەرسيتەتٸ اراسىندا كونۆەنتسييا جاساۋعا اتسالىسىپ, وسى جوعارى وقۋ ورنىندا وقىپ جٷرگەن قازاق ستۋدەنتتەرگە قامقورلىق جاساپ كەلەدٸ.
ٶتكەن جىلدان باستاپ اباي قۇنانبايۇلىنىڭ 175 جىلدىق مەرەيتويىن رەنن قالاسىندا اتاپ ٶتۋگە قىزۋ دايىندىق جۇمىستارىن جٷرگٸزگەن. برەتان فولكلورلىق مۋزىكا اسپاپتارى انسامبلٸمەن ناسيحاتتاۋ جۇمىسىن جٷرگٸزٸپ, رەنن-الماتى باۋىرلاستىعى اياسىندا «الرەنن» كۆارتەتٸن قۇرعان. ۇجىم حاكٸم اباي ٶلەڭدەرٸن فرانتسۋز تٸلٸنە اۋدارىپ, رەنن قالاسىندا بولاتىن مەرەيتويعا دايىندادى. ەندٸ «الرەنن» كۆارتەتٸ اباي ٶلەڭدەرٸن برەتان جەنە دە باسقا ٶلكەلەردە جىل سايىن بولاتىن فولكلور فەستيۆالٸندە ورىندايتىن بولادى.
ال 2016 جىلى جانار تٶرەباەۆا جەرگٸلٸكتٸ بيلٸكپەن ٷش جىلداي كەلٸسسٶزدەر جٷرگٸزٸپ, رەنن قالاسىنداعى «الماتى» ساياباعىنان اباي ەسكەرتكٸشٸن اشقىزدى.
2019 جىلى قازاقستان ەلشٸلٸگٸ باستاعان اباي شىعارمالارىن ورىنداۋ باستاماسىنا قاتىسىپ, فرانتسييادا جالعاسۋىنا ٷلەس قوستى.
بيىل اقپاندا قر ۇلتتىق اكادەمييالىق كٸتاپحانانىڭ ۇسىنىسى بويىنشا رەنن ۋنيۆەرسيتەتٸ كٸتاپحاناسىمەن كەلٸسسٶز جٷرگٸزٸپ, 15 قاراشادا اباي جەنە ٶزگە دە قازاق جازۋشىلارىنىڭ كٸتاپتارىن ۋنيۆەرسيتەت كٸتاپحاناسىنا تاپسىرادى. الداعى ۋاقىتتا رەنن ۋنيۆەرسيتەتٸنٸڭ حالىقارالىق əدەبيەت جەنە تاريح فاكۋلتەتتەرٸنٸڭ ستۋدەنتتەرٸنە ابايتانۋ جەنە قازاق مەدەنيەتٸ جايلى دەرٸس وقىماق.
وسىلايشا جانار تٶرەباەۆا فرانتسييادا قازاق مەدەنيەتٸن, ابايتانۋ سالاسىن تانىتۋ جولىندا دا ەڭبەك ەتٸپ جاتىر.
جانار تٶرەباەۆا 1967 جىلى 20 سəۋٸردە الماتى وبلىسى, شەلەك اۋىلىندا دٷنيەگە كەلگەن. 1990 جىلى سانك-پەتەربۋرگ مەملەكەتتٸك مەديتسينا ۋنيۆەرسيتەتٸن تəمامداعان. 1999 جىلى فرانتسيياعا قونىس اۋدارعان. قازٸر نەگٸزگٸ ماماندىعى دəرٸگەرلٸكتەن بٶلەك رەنن قالاسىندا بٸرقاتار قوعامدىق جۇمىس اتقارادى. 1999 جىلدان بەرٸ «الماتى-رەنن» قالالار باۋىرلاستىعىنىڭ مٷشەسٸ.
