Frantsiianyń 19 óńirinde ǵana kúshinde turǵan karantin rejimi endi eldiń barlyq óńirinde de jariialanady. Bul týraly el prezidenti Emmaniýel Makron telearna arqyly halyqqa jasaǵan úndeýinde aitty, dep habarlaidy TASS agenttigine silteme jasap.
«Naýryz aiynda eldiń 19 departamentinde jariialanǵan karantin rejimi endi eldiń barlyq óńirlerinde de kúshine enetin bolady», - dedi ol.
Memleket basshysynyń aitýynsha, bul shekteý kem degende aldaǵy tórt apta boiy alynbaidy.
Makron karantin rejimi eldiń barlyq óńirinde jariialanýyna koronavirýstyń britandyq shtamynyń taralýy kúsheiip ketýi sebep bolǵanyn aitty.
Odan bólek, prezident el biligi qoǵamdyq tártipti qadaǵalaýdy da kúsheitetinin málimdedi. Budan bylai, karantin shekteýleri alynǵansha, adamdardyń bir jerde toptasýyna jol berilmeidi.
«Biz jeke adamdardyń saqtyq sharalary arqyly osyǵan deiin qol jetkizgen nátijemizdi buzýyna jol bermeimiz. Baqylaý men sanktsiia qatańdatylady», - dep atap ótti ol.
