فرانتسييانىڭ 19 ٶڭٸرٸندە عانا كٷشٸندە تۇرعان كارانتين رەجيمٸ ەندٸ ەلدٸڭ بارلىق ٶڭٸرٸندە دە جارييالانادى. بۇل تۋرالى ەل پرەزيدەنتٸ ەممانيۋەل ماكرون تەلەارنا ارقىلى حالىققا جاساعان ٷندەۋٸندە ايتتى, دەپ حابارلايدى تاسس اگەنتتٸگٸنە سٸلتەمە جاساپ.
«ناۋرىز ايىندا ەلدٸڭ 19 دەپارتامەنتٸندە جارييالانعان كارانتين رەجيمٸ ەندٸ ەلدٸڭ بارلىق ٶڭٸرلەرٸندە دە كٷشٸنە ەنەتٸن بولادى», - دەدٸ ول.
مەملەكەت باسشىسىنىڭ ايتۋىنشا, بۇل شەكتەۋ كەم دەگەندە الداعى تٶرت اپتا بويى الىنبايدى.
ماكرون كارانتين رەجيمٸ ەلدٸڭ بارلىق ٶڭٸرٸندە جارييالانۋىنا كوروناۆيرۋستىڭ بريتاندىق شتامىنىڭ تارالۋى كٷشەيٸپ كەتۋٸ سەبەپ بولعانىن ايتتى.
ودان بٶلەك, پرەزيدەنت ەل بيلٸگٸ قوعامدىق تەرتٸپتٸ قاداعالاۋدى دا كٷشەيتەتٸنٸن مەلٸمدەدٸ. بۇدان بىلاي, كارانتين شەكتەۋلەرٸ الىنعانشا, ادامداردىڭ بٸر جەردە توپتاسۋىنا جول بەرٸلمەيدٸ.
«بٸز جەكە ادامداردىڭ ساقتىق شارالارى ارقىلى وسىعان دەيٸن قول جەتكٸزگەن نەتيجەمٸزدٸ بۇزۋىنا جول بەرمەيمٸز. باقىلاۋ مەن سانكتسييا قاتاڭداتىلادى», - دەپ اتاپ ٶتتٸ ول.
