Foto: ashyq derekkóz
Frantsiia Prezidenti Emmanýel Makron Qazaqstan Prezidenti Qasym-Jomart Toqaevpen telefon arqyly qandai máselelerdi talqylaǵany týraly málimet berip, H áleýmettik jelisinde jazba jariialady, dep habarlaidy Ult.kz.
«Biz strategiialyq áriptestigimizdi nyǵaitý máselesin, ásirese kólik jáne energetika salasynda, 2023 jylǵy qarashada Qazaqstanǵa jasaǵan saparymnyń jáne ótken qarashada Prezident Toqaevtyń Frantsiiaǵa jasaǵan memlekettik saparynyń jalǵasy retinde talqyladyq.
Sondai-aq biz halyqaralyq jaǵdaidy da qarastyrdyq: Reseidiń Ýkrainaǵa qarsy júrgizip jatqan soǵysyn jáne Ońtústik Kavkazdaǵy júrip jatqan kelissózderdi», – dep jazdy ol óz jazbasynda.
