Qazaqstanda koronavirýs infektsiiasynyń taralýyna jol bermeý jónindegi vedomstvoaralyq komissiia álemdegi epidemiologiialyq ahýalǵa sholý jasady, dep habarlaidy "Ult aqparat".
Frantsiia vaktsinalaý saiasatyn resmi túrde ózgertti.
12 mamyrdan bastap egý ortalyqtary preparat dozasy bolǵan jaǵdaida barlyq azamattardy jas ereksheligine qaramastan COVID-19 virýsyna qarsy vaktsinalaýdy bastaidy.
Bul týraly prezident Emmanýel Makron habarlady.
Germaniiada britan-shved kompaniiasynyń AstraZeneca preparatymen vaktsinalaýǵa endi jas sanaty men mamandyǵyna qaramastan barlyq eresek azamattar jazyla alady.
Buǵan deiin nemis sarapshylary AstraZeneca ekpesin 60 jastan asqan adamdarǵa qoldanýdy usynǵan bolatyn.
Avstriia kantsleri Sebastian Kýrts Eýropada biryńǵai sanitariialyq pasport engizý máselesi boiynsha tez arada sheshim qabyldaý qajettigin atap ótti.
Ol sondai-aq Eýropalyq dárilik zattar agenttigin reseilik «Spýtnik V» vaktsinasyn tirkeý máselesi boiynsha sheshim qabyldaý protsesin jedeldetýge shaqyrdy.
«Avstraliia shekarasy sheteldik azamattar úshin 2022 jyldyń ortasynan erte ashylmaýy múmkin» dedi Saýda jáne investitsiialar ministri Den Tehan.
Koronavirýs infektsiiasyn juqtyrý Braziliiada da joǵary qarqynmen jalǵasýda.
Eldiń Densaýlyq saqtaý ministrligi sońǵy táýlikte 73 380 jańa jaǵdaidyń anyqtalǵanyn habarlady.
Japoniia biligi el astanasy men úsh prefektýrada tótenshe jaǵdaidy 31 mamyrǵa deiin uzartýǵa nietti.
Koronavirýs shekteýleri Tokio, Osaka, Kioto jáne Hegoda júzege asyrylady.
