Koronavirýs indetiniń ekinshi tolqyny alǵashqysynan aýqymdy bolýy múmkin. Euronews agenttigi Eýropadaǵy indet statistikasyna silteme jasap osylai tujyrym jasady, dep habarlaidy "Ult aqparat".
Frantsiiada keshe bir táýlikte koronavirýs juqtyrǵandar sany 16 myńǵa jetti. Bul odan bir kún burynǵy kórsetkishten 6 myńǵa kóp (eki kúndegi 27 myń juqtyrý kórsetkishi Frantsiia úshin jańa rekord). Elde jalpy 730 myń koronavirýs juqqan adam tirkelgen.
Osy aptada qaterli deńgeide dep belgilengen qalalar qataryna Lion, Lill, Grenobl, Sent-Eten kirdi. Odan buryn qaýipti aimaqtar qataryna Parij, Eks-Marsel men Gvadelýpa araly jatqyzylǵan edi.
Italiiada da indetti juqtyrǵandar qatary artty. Onda sońǵy ýaqytqa sheiin jaǵdai birshama tynysh bolatyn. Keshe eldi 5,5 myń jańa juqtyrý deregi tirkeldi. Indet kezinde Italiiada 350 myń adam koronavirýs juqtyrǵan.
Ulybritaniiada jeksenbi kúni 13 myńǵa jýyq jaǵdai anyqtaldy. Koronavirýs juqtyrǵandar qatary 600 myńnan asyp ketti. Dúisenbide eldiń Boris Djonson jańa karantin shekteýlerin jariia etýi múmkin. Onyń ishinde Angliia qalalaryndaǵy pab, meiramhanalardy ýaqytsha jabý da bar.
