كوروناۆيرۋس ٸندەتٸنٸڭ ەكٸنشٸ تولقىنى العاشقىسىنان اۋقىمدى بولۋى مٷمكٸن. Euronews اگەنتتٸگٸ ەۋروپاداعى ٸندەت ستاتيستيكاسىنا سٸلتەمە جاساپ وسىلاي تۇجىرىم جاسادى, دەپ حابارلايدى "ۇلت اقپارات".
فرانتسييادا كەشە بٸر تەۋلٸكتە كوروناۆيرۋس جۇقتىرعاندار سانى 16 مىڭعا جەتتٸ. بۇل ودان بٸر كٷن بۇرىنعى كٶرسەتكٸشتەن 6 مىڭعا كٶپ (ەكٸ كٷندەگٸ 27 مىڭ جۇقتىرۋ كٶرسەتكٸشٸ فرانتسييا ٷشٸن جاڭا رەكورد). ەلدە جالپى 730 مىڭ كوروناۆيرۋس جۇققان ادام تٸركەلگەن.
وسى اپتادا قاتەرلٸ دەڭگەيدە دەپ بەلگٸلەنگەن قالالار قاتارىنا ليون, ليلل, گرەنوبل, سەنت-ەتەن كٸردٸ. ودان بۇرىن قاۋٸپتٸ ايماقتار قاتارىنا پاريج, ەكس-مارسەل مەن گۆادەلۋپا ارالى جاتقىزىلعان ەدٸ.
يتالييادا دا ٸندەتتٸ جۇقتىرعاندار قاتارى ارتتى. وندا سوڭعى ۋاقىتقا شەيٸن جاعداي بٸرشاما تىنىش بولاتىن. كەشە ەلدٸ 5,5 مىڭ جاڭا جۇقتىرۋ دەرەگٸ تٸركەلدٸ. ٸندەت كەزٸندە يتالييادا 350 مىڭ ادام كوروناۆيرۋس جۇقتىرعان.
ۇلىبريتانييادا جەكسەنبٸ كٷنٸ 13 مىڭعا جۋىق جاعداي انىقتالدى. كوروناۆيرۋس جۇقتىرعاندار قاتارى 600 مىڭنان اسىپ كەتتٸ. دٷيسەنبٸدە ەلدٸڭ بوريس دجونسون جاڭا كارانتين شەكتەۋلەرٸن جارييا ەتۋٸ مٷمكٸن. ونىڭ ٸشٸندە انگلييا قالالارىنداعى پاب, مەيرامحانالاردى ۋاقىتشا جابۋ دا بار.
