Foto: ál-Farabi atyndaǵy QazUÝ-dyń Baspasóz qyzmeti
Ál-Farabi atyndaǵy QazUÝ-dyń Farabi kitaphanasynda Frankfýrt kitap jármeńkesine arnalǵan ekikúndik seminar bastaldy. Is-sharanyń taqyryby – «Baspa isindegi zamanaýi úrdister jáne avtorlyq quqyq menedjmenti». Forýmda kitap salasynyń jetekshi sarapshylar men mamandary baspagerler men avtorlarǵa qatysty máselelerdi talqylap, zamanaýi poligrafiia múmkindikterin saralady.
Plenarlyq otyrysqa QazUÝ-dyń Basqarma Tóraǵasy – Rektor Janseiit Túimebav, Qazaqstan Respýblikasy Prezidentiniń keńesshisi Málik Otarbaev, Frankfýrt kitap jármeńkesiniń prezidenti jáne bas direktory Iýrgen Boos qatysty.
Germaniialyq delegatsiia quramy – Mertin Witt ádebi agenttiginiń negizin qalaýshy Nikol Vitt, Frankfýrt kitap jármeńkesiniń halyqaralyq jobalar menedjeri Bettina Bek, Frankfýrt kitap jármeńkesiniń negizgi klientterin basqarý jáne satý jónindegi menedjeri Vladka Kýpska kitap jármeńkesi, tsifrlyq basylymdar boiynsha konsýltant, sarapshy German Ekkel, mádeniet qorynyń direktory Nomad Baian óz tájiribelerimen bólisti.
Seminardyń negizgi maqsaty – qatysýshylar arasynda bilim men tájiribe almasý, kitap shyǵarý salasyndaǵy zamanaýi úrdisterdi jáne avtorlyq quqyqty basqarýdyń tiimdi tásilderin talqylaý.
Seminar ashylýynda QazUÝ rektory Janseiit Túimebaev: «Bes júz jyldyq tarihy bar, áigili Frankfýrt kitap jármeńkesiniń Ortalyq Aziiadaǵy alǵashqy seminarynyń Almaty qalasynda, onyń ishinde bizdiń ulttyq ýniversitette ótýi jańa múmkindikterge jol ashady. Álemde bolyp jatqan, baspa isi salasyndaǵy jaqsy tendentsiia men sońǵy jańalyqtardy Frankfýrt kitap jármeńkesiniń sarapshylarymen birge talqylaý, olarmen pikir almasý osy salada júrgen mamandarymyzdyń biliktiligin arttyryp, kásibiligin shyńdai túseri anyq», – dep atap ótti.
Qazaqstan Respýblikasy Prezidentiniń keńesshisi Málik Otarbaev Frankfýrt Eýropanyń kitap astanasy retinde álemdik kitap satatyn orynǵa, kitap taratý ortalyǵyna ainalyp, baspahanalar men baspalardyń halyqaralyq yntymaǵyn keńeite túsetinin aitty.
«Germaniianyń federaldy syrtqy ister ministrliginiń jáne Frankfýrt kitap jármeńkesiniń demeýshiligimen Ortalyq Aziiada alǵash ret baspa isiniń ózekti máselelerine arnalǵan ekikúndik seminar bastaldy. Osy bastamany qoldaǵan Frankfýrt kitap jármeńkesiniń prezidenti jáne LITPROM prezidenti Iýrgen Boos myrzaǵa arnaiy alǵys aitqym keledi. Óitkeni Frankfýrt kitap jármeńkesiniń Almatyǵa kelýi elimizdegi baspagerler, avtorlar jáne kitap satýshylar úshin eń úlken, asa mańyzdy oqiǵa. Bul seminardyń elimizdegi osy sala mamandaryna zor áseri bolatyny anyq», – dedi M.Otarbaev.
Frankfýrt kitap jármeńkesiniń bas atqarýshy direktory Iýrgen Boos sóz sóilep, kitap indýstriiasyn damytý jáne ádebi dialogty yntalandyrý úshin osyndai is-sharalardyń mańyzdylyǵyn aityp, sondai-aq Frankfýrt kitap jármeńkesi men QazUÝ arasyndaǵy odan ári yntymaqtastyqqa úmit bildirdi.
Sharada sondai-aq mádeniet jáne aqparat ministri Aida Balaevanyń quttyqtaý haty oqyldy. Ekikúndik seminar aiasynda «Avtorlyq quqyqtar men litsenziialardy satyp alý jáne satý», «Frankfýrt kitap jármeńkesi jáne onyń shaqyrý baǵdarlamalary», «Frankfurt Connect jáne Frankfurt Rights platformasy» jáne t.b. taqyryptarǵa arnalǵan sessiialar ótedi.
Seminar barysynda is-sharaǵa qatysýshylar pikir almasyp, baspa biznesindegi jańa trendter týraly aqparmen bólisti. Mamandar avtorlar, baspagerler men oqyrmandar arasyndaǵy yntymaqtastyqty nyǵaitýǵa yqpal etetin úzdik tájiribelerdi talqylady. Otandyq baspagerler «mundai seminarlar Qazaqstandaǵy kitap indýstriiasynyń mádeni almasýy men damýyn arttyra túsedi» dep atap ótti.
Qaragóz Serikqyzy,
ál-Farabi atyndaǵy QazUÝ, Baspagerlik, redaktorlyq jáne
dizainerlik óner kafedrasynyń oqytýshysy
