Forvardtyq satyp alý tájiribesi fermerler arasynda úlken suranysqa ie bolyp, birqatar áleýmettik mańyzy bar azyq-túlik taýarlarynyń baǵasyn turaqtandyrýǵa múmkindik berip otyr, dep habarlaidy "Ult aqparat".
2020 jyldyń qorytyndysy boiynsha forvardtyq satyp alý baǵdarlamasy aýyl sharýashylyǵy óndirýshileri arasynda joǵary suranysqa ie bolyp, aýyl sharýashylyǵy sýbektilerine kredit berý tapshylyǵy jaǵdaiynda qarjylandyrýdyń qoljetimdi quraly boldy.
Baǵdarlama boiynsha 2020 jyly 300-den astam aýyl sharýashylyǵy óndirýshileri qarjylandyrylyp, 480 myń tonnadan astam astyq satyp alyndy.
Aǵymdaǵy jyldyń basynan bastap «Azyq-túlik kelisimshart korporatsiiasy» UK» AQ óziniń ishki naryqty turaqtandyrý boiynsha negizgi fýnktsiialaryn oryndaý aiasynda satyp alynǵan kólemder esebinen 410 myń tonnadan astam astyq satqan.
Onyń 325 myń tonnasy un tartý kompaniialaryna satyldy. Osynyń nátijesinde 2021 jyly nan baǵasynyń kúrt qymbattaýy baiqalmaidy, unǵa qatysty jáne astyq eksportyn jabý nemese shekteý týraly da suraqtar týyndaǵan joq.
Sondai-aq, Azyq-túlik korporatsiiasy forvardtyq satyp alý baǵdarlamasy aiasynda alynǵan astyqtan jemshóp qoryn qurdy. Atalmysh qordan mal sharýashylyǵy jáne qus sharýashylyǵy kásiporyndarynyń qajettilikteri úshin 4 synypty 17 myń tonna bidai jáne 24 myń tonna arpa satyldy.
Naryqtaǵy baǵanyń maýsymdyq ósýine qaramastan, ákimdikterdiń ótinimderi boiynsha 20-ǵa jýyq mal sharýashylyǵy kásiporyndaryna belgilengen baǵadaǵy jalpy kólemi 23 myń tonnadan astam 4 klasty arpa men bidai jetkizildi.
Atap aitqanda, Azyq-túlik kelisimshart korporatsiiasy Mańǵystaý oblysyndaǵy jem-shóptiń jetispeýshiligi boiynsha qalyptasqan jaǵdaiǵa bailanysty fermerlik sharýashylyqtardy qoldaý úshin naryqtyq baǵadan 17%-ǵa tómen baǵadaǵy jemdik astyqty jetkizý týraly jedel sharalar qabyldady. Qabyldaýǵa jáne ony odan ári mal sharýashylyqtary arasynda taratýǵa yńǵaily bolý úshin arpa aldyn-ala 50 kg qapshyqqa bólip salyndy.
Qazirgi ýaqytta Qyzylorda oblysynyń mal sharýashylyǵy kásiporyndaryna da arpa jetkizý jumystary júrgizilip jatyr.
Azyq-túlik korporatsiiasyna júgingen 15 qus fabrikasyna 66 myń tonnadan astam astyq satyldy. Astyq satyp alýshylar arasynda jumyrtqa baǵytyndaǵy 9 qus fabrikasy jáne et baǵytyndaǵy 6 qus fabrikasy bar.
Mysaly, Ortalyq Aziiadaǵy eń iri qus fabrikasy - «Makinsk qus fabrikasy» JShS –shikizattyń negizgi jetkizýshisi retinde Azyq-túlik korporatsiiasyn tańdady. Kásiporynǵa astyq belgilengen baǵalar boiynsha turaqty túrde jetkizilip otyrady, bul maýsym boiy túpkilikti ónimniń qunyn josparlaýǵa múmkindik beredi.
Dástúrli daqyldardan(bidai, arpa) basqa Azyq-túlik kelisim shart korporatsiiasy 5,3 myń tonna kúnbaǵys jáne 300 tonna qaraqumyq satyp aldy. Korporatsiia bul kólemderdi ishki naryqty kúnbaǵys maiy men qaraqumyq jarmasymen qamtamasyz etý úshin qaita óńdeý kásiporyndaryna ótkizýdi josparlap otyr.
Jazǵy kezeńde qant naryǵyndaǵy qalyptasyp otyrǵan jaǵdaidy eskere otyryp, Azyq-túlik kelisim shart korporatsiiasy 10 myń tonna kólemde qant qoryn qalyptastyrdy, olar da ishki naryqqa baǵyttalatyn bolady.
Qolda bar qorlar týraly aqparat oblystardyń jáne respýblikalyq mańyzy bar qalalardyń ákimdikterine, áleýmettik-kásipkerlik korporatsiialarǵa jáne Qazaqstannyń kóterme-bólshek saýda jelilerine únemi jetkizilip otyrady.
