Forbes jýrnaly eldegi eń bai biznesmenderdiń reitingin jariialady. Eń bai qazaqstandyqtardyń tiziminde eleýli ózgerister bolyp, milliarderler sany segizge jetti, - dep habarlaidy Tengrinews.kz tilshisi.
Reiting qatysýshylary aktivteriniń jalpy quny boiynsha baǵalandy. Kompaniialar "tómen emes" degen baǵamen baǵalandy. Aýditorlyq qarjylyq esebin jariialamaǵan kompaniialardyń qunynan 10 paiyz shegerildi.
1.Vladimir Kim. 5 milliard dollar (metaldar, qarjy)
Vladimir Kimniń bailyǵy bir jyl ishinde 300 million dollarǵa ósken. Forbes milliarderleriniń jahandyq real-time reitinginde biznesmen 569-orynda.
Vladimir Kim - KAZ Minerals kompaniiasynyń prezidenti, oǵan kompaniianyń qomaqty úlesi tiesili. Biznesmen - "Qazaqmys korporatsiiasy" JShS iesi.
2. Timýr Qulybaev. 3,9 milliard dollar (ártaraptandyrylǵan biznes)
Forbes milliarderleriniń jahandyq real-time tiziminde Timýr Qulybaev 780-orynda. Byltyrmen salystyrǵanda kásipkerdiń tabysy 1 milliard dollarǵa artqan.
Oǵan singapýrlyq Steppe Capital Pte Ltd úlesi tiesili. Ol Joint Resources AQ-ǵa jeke-dara ielik etedi. Qulybaev - "Kipros" JShS-niń negizgi iesi, sonymen qatar ol Mercury Properties JShS-de baqylaýshy úleske ie.
Áieli Dinara Qulybaeva ekeýi "ALMEKS Pliýs" firmasy" JShS men "Almeks" holding toby" AQ-ǵa ielik etedi.
2. Dinara Qulybaeva. 3,9 milliard dollar (ártaraptandyrylǵan biznes)
Dinara Qulybaevanyń tabysy bir jyl ishinde milliard dollarǵa óskeni habarlandy. 20 sáýirdegi jaǵdai boiynsha Forbes milliarderleriniń jahandyq real-time reitinginde ol 780-orynǵa ie boldy.
Erli-zaiypty Halyk Bank-tiń 69,52 paiyzyna ielik etedi. Dinara Qulybaeva - Nursultan Nazarbaevtyń bilim berý qorynyń jalǵyz quryltaishysy.
4. Viacheslav Kim. 3,2 milliard dollar (ártaraptandyrylǵan biznes)
Ótken jyldan bastap Viacheslav Kimniń bailyǵy milliard dollarǵa azaiǵan. Forbes milliarderleriniń jahandyq real-time reitinginde ol 975-orynda.
Viacheslav Kim - Kaspi.kz aktsioneri, direktorlar keńesiniń tóraǵasy. Kompaniianyń 24,07 paiyzyn baqylaidy. Biznesmen sondai-aq "Alseko" AQ-nyń 90 paiyzyna ie, "Astana-ERTs" JShS-da úlesi bar. Sonymen qatar, onyń ELTOP Soft JShS-da jáne "POZITIV Invest" JShS úlesteri bar.
5. Mihail Lomtadze. 3 milliard dollar (qarjy tehnologiiasy)
Mihail Lomtadzeniń bailyǵy bir jylda 900 millionǵa azaiǵan. Forbes milliarderleriniń jahandyq real-time reitinginde ol 1043-orynda.
Lomtadze - Kaspi.kz AQ aktsioneri, direktorlar keńesiniń múshesi, basqarma tóraǵasy. Kompaniianyń aktsiialar paketiniń 23,24 paiyzyna ie.
6. Bolat Ótemuratov. 2,8 milliard dollar (ártaraptandyrylǵan biznes)
Bolat Ótemuratovtyń bailyǵy bir jylda 700 million dollarǵa azaidy, ol pandemiia kezinde qonaqúi biznesi qunynyń tómendeýine bailanysty. Forbes milliarderleriniń álemdik real-time reitinginde ol 1123-orynda.
Ótemuratovqa Glencore Plc transulttyq kompaniiasynyń 1,16 paiyzy tiesili. Ol sondai-aq, ForteBank AQ-nyń 89,32 paiyzyna ielik etedi.
Oǵan Sky Mobile JShQ-da (Qazaqstan men Qyrǵyzstandaǵy "Bilain" bailanys operatorlary) 49,9 paiyz, altyn óndiretin RG Gold-da 65 paiyz, Nur-Sultan, Vena jáne Máskeýdegi Ritz-Carlton qonaqúileri, Rixos Borovoe, Qazaqstandaǵy Burger King fastfýd franshizasy, developerlik Global Development, Qaraǵandydaǵy Sary-Arqa áýejaiynyń úlesi, Informburo.kz internet-portaly, 31 arna teleradiokompaniiasy aktsiialarynyń basym bóligi (80 paiyz) tiesili.
7. Timýr Týrlov. 2,2 milliard dollar (qarjy tehnologiiasy)
Timýr Týrlovtyń bailyǵy bir jyl ishinde 200 million dollarǵa artqan. Forbes milliarderleriniń jahandyq real-time reitinginde ol 1411-orynda.
Kásipker - Freedom Holding Corp investitsiialyq tobynyń negizin qalaýshy, iesi. Sondai-aq "BAST" AQ, "Freedom Finance Insurance saqtandyrý kompaniiasy" AQ, Freedom Finance Life AQ iri aktsiialaryna, Chocofamily Holding, Arbuz Group, Naimi.kz, Relog, Cerebra kompaniialarynda aktsiialary bar.
8. Ibragimovter otbasy. 1,2 milliard dollar (ártaraptandyrylǵan biznes)
byltyr marqum Alidjan Ibragimovtiń áieli Mýkadashan Ibragimova men tórt uly (Dostan, Davron, Shýhrat jáne Fýrhat) Eurasian Resources Group-tiń 20,7 paiyzyna ie boldy.
ERG direktorlar keńesiniń múshesi 36 jastaǵy Shýhrat Ibragimov boldy.
9. Keńes Raqyshev. 960 million dollar (ártaraptandyrylǵan biznes)
Keńes Raqyshev "Fincraft investitsiialyq úii" AQ-nyń 50 paiyzyna ielik etedi. Sondai-aq, ol - Fincraft Resources AQ direktorlar keńesiniń tóraǵasy jáne Almatydaǵy Shoqan Ýálihanov atyndaǵy jeke mekteptiń quryltaishysy.
10. Sársenovter otbasy. 897 million dollar (ártaraptandyrylǵan biznes)
Sarsenovter otbasyna "Nurbank" AQ aktsiialarynyń 90,8 paiyzy, "Viktoriia" saqtandyrý kompaniiasynyń 100 paiyzy, "BSB frantsýz úii" JShS, Oil Real Estate JShS (TRK basqarmasy), Caspian Riviera qonaqúii, Vita sý óndirý jáne ótkizý kompaniiasy, Túrkistan oblysyndaǵy Chateau Silk Alley sharap jasaý kesheni, "Voskresenskii dom" JShS-niń KSP Steel jáne "Kasting" zaýyttary tiesili.
Sondai-aq, olarǵa Helios avtojanarmai quiý stantsiialarynyń jelisi jáne AltynEx Company aq altyn ken ornyndaǵy úlesi tiesili.
11. Nurlan Smaǵulov. 750 million dollar (avtooreteil, mashina jasaý, development)
Nurlan Smaǵulov - "Astana Motors" kompaniialary (14 álemdik avtomobil brendi, Almatyda Hyundai jeńil jáne kommertsiialyq tehnika óndiretin eki zaýyt), MEGA SOSO jelisi, Almaty qonaqúii kiretin Astana Group negizin qalaýshy.
12. Belovichter otbasy. 705 million dollar (qurylys, damý)
Aleksandr Belovich óziniń uly Pavelmen birge Bazis-A qurylys korporatsiiasyna ielik etedi. Aleksandr Belovich Bazis-A korporatsiiasynyń direktorlar keńesiniń tóraǵasy, Bazis-A basqarmasynyń tóraǵasy, Qurylys jáne TKSh komitetiniń tóraǵasy jáne "Atameken" QR UKP tóralqasynyń múshesi laýazymdaryn atqarady.
13. Dariǵa Nazarbaeva. 584 million dollar (ártaraptandyrylǵan biznes)
Dariǵa Nazarbaeva óziniń uly Nuráli Álievpen birge "Evropa pliýs Kazahstan" JShS-nyń iesi, sol arqyly "Teleradiokompaniia Radiositi" JShS jáne "NTK telearnasy" JShS úlesteri bar.
Sondai-aq ol "Region-Media" JShS jáne A-Service Management JShS (Nur-Sultandaǵy "Dýman" tórt juldyzdy qonaqúii) úlesteri bar "DLS Group holding kompaniiasy" JShS-ǵa ielik etedi.
14. Edýard Ogai. 583 million dollar (metaldar)
Edýard Ogai - Kazakhmys Holding (Qazaqmys Holding) JShS direktorlar keńesiniń tóraǵasy, "Qazaqmys "korporatsiiasy" JShS basqarma tóraǵasy.
Ol "Qazaqmys korporatsiiasy" JShS-niń 30 paiyzyna ielik etedi jáne uldarymen birge "Qarajyra" AQ-nyń 70 paiyzyna baqylaý jasaidy.
Biznesmen - "Viraj Servis Karaganda" JShS-nyń jalǵyz quryltaishysy.
15. Aleksandr Klebanov. 580 million dollar (ártaraptandyrylǵan biznes)
Klebanov "OAOEK" AQ-nyń 50 paiyzyna jáne "OAEK" AQ-nyń 47,1 paiyzyna ielik etedi. "OAOEK" arqyly ol "Pavlodar Vodokanal-Severnyi" JShS, "OAOEK-Energoinvest" JShS-ny baqylaidy. Al "OAEK" arqyly "Pavlodarenergo" AQ men "SevKazEnergo" AQ úlesi bar. "OAOEK" AQ direktorlar keńesiniń tóraǵasy.
16. Oleg Novachýk. 520 million dollar (metaldar)
Oleg Novachýk KAZ Minerals Ltd aktsiialarynyń 60 paiyzyn satyp alyp, kompaniiany London qor birjasynan delistingten shyǵarǵannan keiin Nova Resources B.V. arqyly KAZ Minerals Ltd kompaniiasynyń 36,5 paiyzyn baqylaidy. Ol - KAZ Minerals Ltd direktorlar keńesiniń tóraǵasy.
17. Aidyn Rahymbaev. 510 million dollar (qurylys)
Rahymbaev - BI Group holdinginiń aktsioneri jáne direktorlar keńesiniń tóraǵasy. 2021 jyldyń tamyzynda BI Group álemdegi eń iri qurylys kompaniialarynyń ENR Top-250 Global Constractors dep atalatyn jyl saiynǵy reitinginde óz 19 satyǵa kóterilip, 180-orynǵa ie bolǵan.
18. Dinmuhamet Ydyrysov. 415 million dollar (ártaraptandyrylǵan biznes)
Ydyrysov - "Qazaqstan kommýnaldyq júieleri" kompaniiasynyń menshik iesi. Sondai-aq, ol Ordabasy Group jáne "Keregetas" taý-ken kompaniiasy" JShS, "Ýshkýiý" AQ, "Aqtóbe munai jabdyqtary zaýyty" AQ, Kundybai Mining AQ, "Trias Munaigaz" JShS úlesterine ie. "Qazaqstan kommýnaldyq júieleri" JShS baqylaý keńesiniń tóraǵasy.
19. Ǵalymjan Esenov. 408 million dollar (qarjy)
Ǵalymjan Esenov First Heartland Jusan Bank AQ-nyń 20,11 paiyzyna ielik etedi.
Byltyrǵy mamyrǵa deiin ol Jambyl oblysynda mineral tyńaitqyshtar óndiretin "Qazfosfat" JShS-niń iesi bolǵan. Aýdittelgen esepke sáikes, 2020 jyly ishinde kompaniia 22,55 milliard teńgeden asa mólsherde dividendter tóledi.
20. Sergei Kan. 374 million dollar (ártaraptandyrylǵan biznes)
Kan - Aleksandr Klebanovtyń "OAOEK" AQ jáne "OAEK" AQ boiynsha seriktesi, onda tiisinshe, 50 jáne 47,1 paiyzdy baqylaidy. Circle Maritime Invest AQ keme qatynasy kompaniiasynyń jartysyn, Rixos Almaty qonaqúiiniń jáne Iakov Klebanovpen birge "Teńiz Star" JShS úlesterin ielenedi. Sondai-aq "Qazaq munai jáne gaz institýty" AQ-nyń 50 paiyzyna ie.
Forbes jýrnalynyń nusqasy boiynsha Qazaqstannyń 50 iri biznesmenderiniń tolyq tizimin myna silteme boiynsha kirip kóre alasyzdar.
"Qairat Boranbaev pen Qairat Satybaldy reitingti daiyndaý kezinde tergeýde bolýyna bailanysty tizimge enbedi", - dep habarlady basylym.
