Amerikalyq Forbes jýrnaly álemdegi eń bai adamdardyń reitingin jariialady. Tizimde alty qazaqstandyq bar, - dep habarlaidy Tengrinews.kz saity.
Forbes nusqasy boiynsha eń bai qazaqstandyq Vladimir Kim. Ol - KAZ Minerals kompaniiasynyń prezidenti jáne atqarýshy emes direktory. Kásipker "Qazaqmys korporatsiiasy" JShS-niń majoritarlyq iesi sanalady.
Jýrnal onyń bailyǵyn 4,6 milliard dollarǵa baǵalaǵan. Forbes real-time jahandyq reitinginde biznesmen 591-orynda.
Reiting boiynsha 636-orynda turǵan Timýr men Dinara Qulybaevtartardyń árqaisynyń aktivteri 4,3 milliard dollar bolady.
Timýr Qulybaev singapýrlyq Steppe Capital Pte Ltd kompaniiasynyń úlesine ie. Ol Joint Resources AQ-nyń jalǵyz iesi. Qulybaev "Kipros" JShS-niń negizgi iesi, budan basqa Mercury Properties JShS aktsiialarynyń baqylaý paketine ie.
Jubaiy Dinara Qulybaevamen teń dárejede "Firma "Almeks Pliýs" JShS men "Almeks" holdingter toby" AQ ielik etedi.
Halyk Bank-te Qulybaevtar 69,52 paiyzyǵa teń quqyly. Dinara Qulybaeva Nursultan Nazarbaev Bilim qorynyń jalǵyz quryltaishysy.
Tizimde Kaspi.kz saitynyń aktsioneri jáne direktorlar keńesiniń tóraǵasy Viacheslav Kim de bar. Onyń bailyǵy 3,6 milliard dollarǵa baǵalanady, bul - reitingtegi 787-oryn.
Eń bai qazaqstandyqtardyń qatarynda Timýr Týrlov bar. Ol Forbes real-time jahandyq reitinginde 3,1 milliard dollar bailyǵymen 949-orynda.
Eń bai qazaqstandyqtardyń tizimin reitingtiń 1104-qatarynda turǵan Bolat Ótemuratov aiaqtady. Jýrnal onyń bailyǵyn 2,7 milliard dollarǵa baǵalaidy.
