امەريكالىق Forbes جۋرنالى ەلەمدەگٸ ەڭ باي ادامداردىڭ رەيتينگٸن جارييالادى. تٸزٸمدە التى قازاقستاندىق بار, - دەپ حابارلايدى Tengrinews.kz سايتى.
Forbes نۇسقاسى بويىنشا ەڭ باي قازاقستاندىق ۆلاديمير كيم. ول - KAZ Minerals كومپانيياسىنىڭ پرەزيدەنتٸ جەنە اتقارۋشى ەمەس ديرەكتورى. كەسٸپكەر "قازاقمىس كورپوراتسيياسى" جشس-نٸڭ ماجوريتارلىق يەسٸ سانالادى.
جۋرنال ونىڭ بايلىعىن 4,6 ميلليارد دوللارعا باعالاعان. Forbes real-time جاھاندىق رەيتينگٸندە بيزنەسمەن 591-ورىندا.
رەيتينگ بويىنشا 636-ورىندا تۇرعان تيمۋر مەن دينارا قۇلىباەۆتارتاردىڭ ەرقايسىنىڭ اكتيۆتەرٸ 4,3 ميلليارد دوللار بولادى.
تيمۋر قۇلىباەۆ سينگاپۋرلىق Steppe Capital Pte Ltd كومپانيياسىنىڭ ٷلەسٸنە يە. ول Joint Resources اق-نىڭ جالعىز يەسٸ. قۇلىباەۆ "كيپروس" جشس-نٸڭ نەگٸزگٸ يەسٸ, بۇدان باسقا Mercury Properties جشس اكتسييالارىنىڭ باقىلاۋ پاكەتٸنە يە.
جۇبايى دينارا قۇلىباەۆامەن تەڭ دەرەجەدە "فيرما "المەكس پليۋس" جشس مەن "المەكس" حولدينگتەر توبى" اق يەلٸك ەتەدٸ.
Halyk Bank-تە قۇلىباەۆتار 69,52 پايىزىعا تەڭ قۇقىلى. دينارا قۇلىباەۆا نۇرسۇلتان نازارباەۆ بٸلٸم قورىنىڭ جالعىز قۇرىلتايشىسى.
تٸزٸمدە Kaspi.kz سايتىنىڭ اكتسيونەرٸ جەنە ديرەكتورلار كەڭەسٸنٸڭ تٶراعاسى ۆياچەسلاۆ كيم دە بار. ونىڭ بايلىعى 3,6 ميلليارد دوللارعا باعالانادى, بۇل - رەيتينگتەگٸ 787-ورىن.
ەڭ باي قازاقستاندىقتاردىڭ قاتارىندا تيمۋر تۋرلوۆ بار. ول Forbes real-time جاھاندىق رەيتينگٸندە 3,1 ميلليارد دوللار بايلىعىمەن 949-ورىندا.
ەڭ باي قازاقستاندىقتاردىڭ تٸزٸمٸن رەيتينگتٸڭ 1104-قاتارىندا تۇرعان بولات ٶتەمۇراتوۆ اياقتادى. جۋرنال ونىڭ بايلىعىن 2,7 ميلليارد دوللارعا باعالايدى.
