Ǵylym jáne joǵary bilim ministri Saiasat Nurbek Almatyda sýburqaq janynda talapkerdiń qaitys bolýyna pikir bildirdi.
"Oqiǵa saǵat 16.00-de bolǵan. Kún raiy óte ystyq bolyp turǵan. Tyiym salatyn belgi turǵanyna qaramastan, sýburqaqqa túsken. Ol sýburqaqtyń eki „tostaǵany“ bar, ol týra ishine kirgen. Ólimniń sebebi búgin sot-meditsinalyq saraptamadan keiin belgili bolýy kerek. Aldyn ala málimet boiynsha, júregi toqtap qalǵan nemese tok soqqan bolýy múmkin", — dedi ol.
Ministr qaitys bolǵan talapkerdiń Almatydaǵy № 185 mektepti támamdaǵanyn aitty.
Ýniversitetke UBT tapsyrý úshin kelgenimen, elektr qýatynyń aqaýyna bailanysty test tapsyryp úlgermegen.
"Sot-meditsinalyq saraptamanyń qorytyndysyn kútý kerek. Bul máselemen Bostandyq aýdanynyń politsiia basqarmasy ainalysyp jatyr. Salǵyrttyq saldary ma, álde oqys oqiǵa ma, ázirge bilmeimiz", — dedi Saiasat Nurbek.
Eske sala keteiik, 19 maýsym kúni Almatyda ál-Farabi atyndaǵy Qazaq ulttyq ýniversiteti aýmaǵynda jasóspirim qaitys bolǵan.
