Foto: Viktor Fediýnin/Kazinform
QR Mádeniet jáne aqparat ministri Aida Balaeva Mádeniet týraly zań men basqa da qujattarǵa qandai ózgerister enetinin aityp berdi, dep habarlaidy "Ult aqparat" "QazAqparat" Halyqaralyq agenttigine silteme jasap.
«Mádeni saiasattyń tiimdiligi eń aldymen zańnamalyq bazanyń kemeldigine bailanysty. Ókinishke qarai, mádenietimizdegi kóp igi isterdiń aiaqsyz qalýy quqyqtyq normalardyń shikiligine kelip tireledi. Sondyqtan Mádeniet týraly zańǵa kezeń-kezeńimen ózgeristermen tolyqtyrýlar engizý — ýaqyt talaby. Ulttyq ekonomika ministrligi ázirlegen Kásipkerlikti júrgizý týraly zań jobasyna memlekettik mýzeiler tarapynan mádeni qundylyqtardy kópshilikke usynýdy sýbsidiialaý týraly norma qosylyp, Senat qaraýyna engizildi», — dedi Aida Balaeva Qazmedia ortalyǵynda ministrliktiń alqa otyrysynda.
Budan bólek, Qazaqstan men Qytai Halyqtyq Respýblikasy Úkimetteri arasynda ózara mádeniet ortalyqtaryn qurý týraly kelisimdi iske asyrý, sondai-aq Qazaqstan tarapynan 2011 jyly Siriianyń Damask qalasynda salynǵan ál-Farabi tarihi ortalyǵyn iske qosý maqsatynda Mádeniet týraly zańǵa jáne Biýdjet kodeksine ózgerister engizý kózdelip otyr.
«Mádeniet qyzmetkerleriniń álemýettik statýsynan bastap, sahnada fonogrammany paidalaný, avtorlyq quqyqtar týraly máseleler de qaralady. Álbette mádeniette, jalpy rýhaniiatta shekara bolmaidy. Biraq zamannyń aǵymyna, qoǵamnyń talabyna sai, keibir suraqtyń naqty quqyqtyq sheshimi bolý kerek. Mysaly mádeniet eshqashan saiasattyń quraly, saiasi lozýzgtar men urandardyń jeteginde bolmaýy tiis. Bul máseleni bir rettik sheshimmen emes, barlyǵyna túsinikti zań sheńberinde retteýimiz kerek. Máselen, búginde belgili oryndaýshylarmen aýqymdy kontsert ótedi dep áleýmettik jeli arqyly jariialanyp, tipti biletteri satylǵan kontsertter de ótpei qalyp júr. Osy jáne basqa da jaǵymsyz áreketterdi tyiý maqsatynda, olarǵa tyiym salý jáne jazalaý sharalaryn qoldaný jóninde zańnamaǵa túzetý engizý úshin jumys júrgizilýde», — dedi Mádeniet ministri.
